杨思琦大赞8个月大囝囝有运动细胞：佢爬上梳化顶！

香港开电视将全港首播NHK第100部晨间剧《夏空》，特邀请星级靓妈杨思琦为日剧唱主题曲。今日（6/11）思琦身穿性感露背晚装长裙，现身柴湾为新歌拍摄MV。思琦表示：“自己以前好钟意睇日剧，当时日本风好劲，记得细个嘅时候，仲同哥哥一齐去报读日文班，不过自己嘅资质冇哥哥咁好，我都系读咗初级班，之后读完冇再读，反而哥哥就好有兴趣继续读。”

提到8个月大囝囝近况，思琦直言落足心机照顾，“囝囝而家算系易凑，因为佢好早就戒咗夜奶，所以可以一觉瞓到天光，但有时就会11点12点醒吓，就要冲奶畀佢饮。不过佢都好好动，试过爬上梳化椅背顶，好犀利，人仔细细好有运动细胞，因为家姐之前我未见过有咁嘅举动，所以我都估唔到佢会咁好动。”