【钱国伟病逝】卫诗雅感恩《四叶草》提携：我人生第一次演戏

卫诗雅（Michelle ）今日（29/10）现身将军澳康城出席新戏院开幕活动。提到伯乐钱国伟日前突然病逝，Michelle 深感痛心：“其实我系经过佢而入行，如果冇佢我系唔会入到行。因为当时我收到model公司通知我，无线𠮶边想揾人拍《四叶草》，监制话好想见我同我细佬，𠮶阵时自己又做紧珠宝，于是我就拒绝咗。但过咗两个月后，又收到通知话钱国伟好想见我哋，于是我就同细佬抱住入无线睇明星心态入去见佢，之后佢拣咗我。就系因为佢，我人生第一次演戏。”

Michelle续说：“好记得当时见佢嘅时候，除咗要演戏之外，佢仲要我跑，当时都唔明佢点解要我咁做，但之后佢有同我解释要我跑嘅原因，原来佢系想睇吓我嘅灵活性，所以我觉得佢系一个好聪明嘅人嚟。”