被指摆“阿姐款”恰新人　陈嘉倩否认：外面点传就由得佢

前新闻女主播陈嘉倩今日（27/10）现身九展出席ViuTV全新直播节目《娱乐On Air》宣传造势活动。提起日前被人爆料指控摆“阿姐款”专恰新人。嘉倩对此感到百般无奈：“其实报道出咗之后，自己都有啲唔开心，其实都知道唔系事实，所以都冇花太多心神走去谂件事系点样嚟，咁而家又有个新节目，都要开开心心去做，所以唔系真嘅事就唔好太过去认真，唯有做好自己就得，外面点样传就由得佢。”