不满偶像新歌播得少私讯DJ威胁 　Anson Kong :唔可以太过份

早前商台DJ梁文礼于IG 以“粉丝行为．偶像埋单”为题发文，大爆903所有DJ均收到某歌手的歌迷短讯。而该名歌迷更指责他们收取其礼物后，没有播放其偶像新歌，声言偶像未能在商台颁奖礼中获奖，将会罢听商台。事后有网友发现始作俑者疑是MIRROR成员卢瀚霆（Anson Lo）的忠实粉丝，因不满商台只播组合另一成员江𤇹生（Anson Kong）的新歌，而引发私讯闹DJ风波。

今日（6/10）Anson Kong出席活动时，就此事接受《香港01》访问时表示：“其实我哋开头都唔知道，系最后睇到啲图片先知发生啲咁嘅事，件事发生咗，当然我哋十分之抱歉骚扰到DJ，其实公司都即时处理咗，亦明白粉丝都有佢哋嘅权利，我哋都好明白粉丝太爱我哋，有爱我哋嘅心，但好希望大家都可以礼让少少。（事后有否同Anson Lo沟通？）其实都唔需要沟通，因为我哋唔会因为呢啲事，而影响咗大家嘅感情，但我同阿Lo都真系好抱歉真系影响到DJ佢哋。（粉丝咁做啱唔啱？）我只能够讲，佢哋太爱我哋，呢个爱又唔可以话错，佢哋对我哋嘅爱唔系错，得而且确有啲嘢系唔可以太过份嘅，希望大家可以和平相处就最好。”