赖琦媛被拍得同人夫揽腰兼过夜? ：朋友之间有少少身体接触系可以

今届落选港姐赖琦媛（Ivy)在参选期间，一直被指拜金，爱北上夜蒲识富二代，更被传媒影到将吸食完的烟头随处抛弃，负面新闻不断，最终十二强止步。不过最近Ivy又被指极速恋上内地人夫富贵肥大叔，二人鬼崇中环撑台脚，饭后双双揽到实同车离去，返回男方何民田豪宅。

今晚（5/10）Ivy现身荔枝角出席网台直播节目前，就此事接受《香港01》访问说：“其实我识咗佢年半时间，因为疫情关系佢喺香港逗留咗一段时间，而我同佢系普通朋友关系，当我睇到呢篇报道之后都笑咗出嚟，当我未了解到佢咁深入嘅时候，居然俾你哋写晒佢啲嘢出嚟，变咗我即时深入了解咗我朋友。（饭后返咗男方家过夜？）冇啲咁嘅事，话我哋揽到实，只系普通搭吓膊头啫，跟住坐佢架车系为咗方便，送咗佢返屋企后，我自己跟住搭车走。（揽腰搭膊头，朋友关系？）其实朋友之间，有少少身体接触系可以有嘅，但唔好太过火就Ok啦！（会否影响到对方家庭？）我相信唔会，因为我哋系普通朋友关系，仍会保持联络，但出门时要小心啲啦！”