被冯盈盈利用识富二代？　郑衍峰力撑：佢在乎就唔会同我做朋友啦

近日有指冯盈盈透过绯闻男友郑衍峰，出席无线（TVB）前娱乐新闻台女主播胡美贻富二代男友Reeve的生日派对，借机结识其他富二代。负面新闻出街后，郑衍峰凌晨时分在ig story写上：“Overthinking hits hardest at night！（半夜容易谂太多！）”似有暗示有人过分想像，半夜为冯盈盈护航辟谣。而胡美贻随后亦发文留言：“世界太复杂，我太简单！”

今晚（18/9）郑衍峰（Leonard）出席《Big bigshop中秋感谢祭》录影，就此事接受《香港01》访问时，为冯盈盈抱不平，“其实呢件事对盈盈嚟讲系好唔公平，佢之前都有讲过自己去认识朋友嘅时候，系唔会在乎人哋有冇钱，又或者工作嘅成就，难听啲讲，如果佢真系在乎呢啲嘢，就唔会同我做朋友啦！最对佢唔公平嘅地方系，𠮶餐饭有咩人，就代表佢性格系点，我觉得呢个有啲偏颇咗。（盈盈有冇因此而唔开心？）佢EQ咁高，佢又点会吖，佢都经历咗咁多呢啲唔同嘅新闻，至于佢会唔会再出席呢啲饭局？就要睇我再叫唔叫佢啰，哈哈！”