马国明自由出入汤洛雯寓所　否认升呢做男主人：成日上佢屋企食饭

马国明今日（17/9）现身将军澳电视城出席无线新剧《C9特工》宣传造势活动，剧集下周一首播。马明表示：“虽然呢部剧系一部小品作品，其实我好钟意，剧本你会觉得好轻松，有啲位大家会觉得好笑，而且笑中有泪。”马明又指今次同高海宁合作首次做情侣感觉超新鲜。

提到手持女友汤洛雯红磡寓所匙卡自由出入，升呢做“男主人”。马明笑言：“其实我好多时候成日都会上佢屋企食饭，而且佢都有嚟我屋企食饭，就当然唔系报道所讲我系男主人，因为人哋一家大细都喺度㗎。（结婚后会否同埋妈咪住？）未谂住，到时再谂，又或者同妈咪距离唔好住得太远啦！你都知香港楼价几贵，如果又要同我阿爸，我家姐一齐住，就要好有钱买一间好大嘅屋先得。”