同邓萃雯好陌生?　黎耀祥：对完剧本就走，唔会倾多几句

邓萃雯和黎耀祥2009年及2010年先后合作《巾帼枭雄》及《巾帼枭雄之义海豪情》，凭“柴九”及“四奶奶”暧昧之情俘虏观众心，剧集收视破晒纪录，更加令二人狂扫奖项，甚至离奇传出绯闻。外界视二人为最住拍档，但黎耀祥喺最新一集《双祥见》就提到其实佢哋曾经非常之唔熟：“因为之前真系无合作过，当然有见过、识啦，拍第一套时大家无咩讲，净系排戏，对完剧本就走架啦，完全唔会倾多几句或者交心，我都估唔到。我啲最住拍档真系好奇怪，但剧集出嚟之后又好夹架㖞。”黎耀祥表示直到拍摄《义海豪情》时，二人才稍微熟稔，感觉十分奇妙。“剧中磨合系无问题，不过系我私下钟意讲嘢。最住拍档系讲缘份，正如我所讲虽然唔多交流，但出嚟大家都认为我哋系几夹。”

节目中，黎耀祥又同阮兆祥讨论有否收埋“私己钱”，阮兆祥认为可让另一半知道自己有“私己钱”，但绝对唔会透露银码：“人有高底起跌，如果突然出现财务困难时，如果你或佢都有私己钱时，可以共渡难关。”而黎耀祥就诘自己从未有“私己钱”嘅概念，认为夫妇需要了解对方嘅经济能力：“同埋大家都知啦，我老婆系我经理人，佢收埋私己钱就唔出奇，我啲钱全部都系佢掌管，想收都无得收。”