【双祥见】视帝首集讲前列腺劲大胆　18分钟节目5个广告吸金力强

由黎耀祥同阮兆祥主持嘅新节目《双祥见》今日喺myTV SUPER上架，由于该节目系二人继1995年剧集《娱乐插班生》后再次合作，加上以访谈形式进行，唔多唔少都令人期待。

之不过，原来广告植入安排更精彩，二人都好Chill咁拎住红酒大谈过往嘅拍摄趣事，阮兆祥提到当年拍《大头绿衣斗僵尸》时，监制李添胜要求佢扮演外国警司时要“实做”；而黎耀祥则提到拍《娱乐插班生》后连带开埋演唱会……话题一转，阮兆祥拎出一包面出嚟介绍，大赞酱汁如何鲜味，就系咁，双祥第一个植入式广告出现了。

其后，二人提到养生、健康等问题，大谈如何保护发线、前列线，同样系摸住酒杯底倾谈，当你以为想sell洗头水时，原来系sell修复软膏，呢下真系估佢唔到，杀观众措手不及，高招。
可能太多广告想支持“双祥”喇，最精彩的广告就在节目完结后出现，节目完结后，镜头偏移到阮兆祥身边嘅一个柜，画面出现了“xx库夹万”，紧接仲有家居电器、月饼硬照出现，相信呢一著，《双祥见》除了二人对话精彩,广告的心思摆放亦值得欣赏。