谭炳文肺癌突然离世　好友薛家燕感痛心：我一直都想去睇佢！

“配音王”谭炳文今早（5/9）不敌肺癌逝世，享年86岁。对于好友突然离世，薛家燕接受《香港01》访问时深表痛心说：“两个月前，炳哥每日都有传短讯畀我问候，叫我注意疫情，可以话系风雨不改，而且佢仲同我讲呢两日会检查身体，可能会有几日传唔到信息畀我，仲话出咗院后会再联络我哋，当时我就同佢讲唔紧要，反而系你要多多休息。”

家燕姐续指因为疫情关系未能到医院探望，“其实我一直都想去睇佢，而佢个女就话唔系好方便，因为佢哋去探嘅时候，都要经过好多重手续，系比较麻烦，所以一路都冇去探佢，咁所以我同炳哥只有用短讯保持联络。㖊晚仲听佢个女讲炳哥身体冇事，点知半夜佢突然间唞唔到气，点知佢今朝就离开咗，当然我听到呢个消息真系好难过，毕竟大家相识咁多年，佢又睇住我哋大，我真系好难过，好唔舍得佢。”