瞩目配角｜“大L”张武孝复出原来为氹老婆：喺红馆唱歌佢会开心

2004年11月24日，香港才子黄沾逝世，终年63岁。
“我食咗几十年烟，戒烟戒咗几次都唔成功，直到黄沾肺癌，佢喺电视机度劝人戒烟，佢系我恩师，我好尊重佢，所以佢走咗之后我应承佢戒烟，当系报答佢，好多朋友觉得我戒唔到，因为我𠮶时系喺夜场做嘢，但我都系戒到，由04年到而家，我都冇再食过烟。”张武孝说。

现年70岁的张武孝（大AL）经常饰演江湖中人，“食烟、饮酒、讲粗口”属份内之事，而事实上，大AL亦在90年代左右退出娱乐圈并开始涉足夜店、夜总会等等娱乐场所，更曾因为得罪人而被“背景人士”袭击。
大AL近年的生活非常健康，行山、跑步、踩单车日日做运动，而且体能极好，除了连续几年完成全马拉松赛事之外，去年更与友人成功挑战踩单车环绕全台湾一周：“10日，千几公里。”

大AL每星期都会出车：

【瞩目配角】大AL弃演艺转行搞夜店　因得罪背景人士招杀身之祸

其实大AL的“单车年龄”只有约两年左右，“当时系因为我老婆朋友搬屋，放咗架单车喺我屋企，咁做运动，不如踩吓单车啦！咁踩嘅时候就见到有年青人踩住架公路单车，望到佢好似踩得好轻松，但个速度就好高，就系呢种感觉，我就爱上咗单车。”之后，大AL便不断向自己的朋友请教踩单车的事，终于找到同好朋友，并加入他们的固定踩车团：“本来今日都去踩，不过因为要嚟呢个访问，所以先冇去踩。”

大AL 10日环台几乎踩足全程

去年，大AL获车友邀请一起踩单车环绕台湾一周，“初初我都谂，环台我边得呀！车又唔靓，年纪又咁大，踩千几公里㖞！”不过后来大AL得知，环台单车团会有一辆汽车尾随，用作盛载所有团员的行李和补给品，于是，大AL最后亦决定跟随车友，一天踩数十公里就上车“陪踩”：“去到之后，点知又踩到㖞，就系咁之嘛！好开心，（结果冇上过车？）少少，因为我有一日系有啲唔舒服，咁仲要上斜路，冇踩大概12公里，其余全程都同佢哋一齐。”虽然大AL到最后顺利完成环岛挑战，但他亦不否认这是一趟很辛苦的旅程：“由台中踩落高雄，200公里，1日。同埋有啲地方真系辛苦，由垦丁去返台东，系因为逆风，个心亦都好唔忿气，因为踩极架车都唔去，虽然好嬲，但真系踩唔到，要落车推。（但你去之前有冇问过医生意见？）我谂住去玩之嘛，但我跑马拉松就有。”

马拉松，是一项长跑运动，1921年马拉松的长度被严格规定为42公里195米或26英里385码，一直沿用至今，“我跑马拉松系连续跑咗四年，今年冇跑系因为疫情关系取消咗，之前我都跑足全场，”张武孝说。全长42公里的马拉松项目，对于居住在地面总面绩只有1,106平方公里的香港人而言，恐怕并没太大概念，量化计数，跑完一整个“全马”，大约等于20条青马大桥／环绕标准运动场跑道105次／来回6次湾仔至中环......现时70岁的大AL笑言 ,能够多次完成全马赛事，对自己而言是一项极大挑战，即使过去已经完成了4次，但明年是不是仍会参与，还要看当时的身体情况，即使他的心愿是“跑多最后一次”，“头𠮶30公里都仲可以，但后面𠮶十几公里，真系挨。”

挑战自己=揾命博

完成台湾环台游，连续4年跑完全马赛事，最初每朝游水的他更打算参加“三项铁人”，年过70岁大AL的体能表面上完胜香港大部份所谓的“后生仔”。虽然体形略胖的大AL身体看似非常健康，但原来他每次的挑战，都是一个“揾命博”的过程，“我有个好好嘅医生朋友，佢同我讲话唔好跑喇，佢解释咗个道理我听，我都怯一怯，咁佢解释个意思就系，原来喺医学上，你个意志战胜咗你本身个体能嘅话系非常危险，因为如果你个体能未到，但你个意志强，咁你个意志就带住你个体能去，到你个身体支持唔到嘅时候，就会好危险，因为砲马拉松真系跑意志。”

虽然大AL未必足够的能力再挑战马拉松、环台游甚或三项铁人，但他仍然不会放弃做运动，因为健康对大AL而言，除了是生命，也是一种责任。大AL 45岁才结婚，太太比他年小15岁，二人在婚后三年诞下一女一子。2004年之前，大AL一直都东奔西跑为事业打拼，曾到泰国、东莞等地工作，留任当地的他每隔几个月才能回港探亲，到天津的一次更要隔半年才能回港一次。2004年，大AL接到一个电话：“𠮶时我喺东莞，我喺东莞都4年，突然有人打电话畀我话‘揾到你喇大AL哥，我哋想揾你唱歌呀 ’，我话唔系呀嘛？点唱歌呀？但佢哋话系红馆想揾我唱。当时我谂，结咗婚都有十年啦，突然间个老公喺红馆唱歌，我谂太太会好开心啩？就系由𠮶日之后，开始有人陆续揾我唱歌，当时我啲小朋友仲细个，咁顺理成章，就行返入娱乐圈。”回归幕前，是为了家庭；健康身体亦然：“我都希望可以长命多几年，可以同屋企人一齐！”