【幕后玩家】刘佩玥变最强小三：现实中接受唔到婚外情
撰文： 郭敏玲
出版：更新：
刘佩玥（阿Moon）今日做只索鬼，以一身长发紫唇造型出席《幕后玩家》万圣节宣传活动。剧集刚播出一个星期，大多数亮点都在阿Moon的角色身上。除了大赞她与Bosco的调情好睇之外，有网民更将她与同届港姐出身的陈凯琳比较，指她现已上位。阿Moon闻言便说：“橙与苹果不能就此比较，对彼此都很不公平。我觉得系当下结果先会有咁嘅讲法啫，但呢一行就好似马拉松，我哋大家都系要继续努力。（怕唔怕咁比较会尴尬？）唔会，我哋依然好Friend，因为一直都会互相鼓励，而我哋做嘅嘢不尽相同，比较真唔太公平。”
提到阿Moon变成最新的“最强小三”，她就好庆幸观众对她的印象没有太差，也不怕被标签，“我好多谢观众会明白小三只是个角色，亦都会知道我原来可以做一些颠覆以前所做的角色，会很不一样。”至于有网民觉得阿Moon做小三好正，更话“好想同阿Moon有婚外情”，阿Moon笑言：“咁就好唔要得啦，我呢个角色都想话畀大家知做小三唔容易，现实中嘅我都系接受唔到。”