【幕后玩家】真直男李豪拍剧专演hehe角色：惊畀公司定咗呢条路线

《幕后玩家》播放了一周，除了看刘佩玥和黄宗泽的肉搏场面外，心水清的网友，亦有留意到剧中Bosco的一位下属伟仔，经常穿粉色西装，青靓白净得来又娘娘腔的李豪Leo。港男出身的他，在剧中姿态比女人更为女人，又常拿手机自拍好贪靓，其实李豪由于身型修长，肤色白，声线又阴声细气，所以经常演“乸型”角色，他说：“监制揾我都系因为个样似女仔，讲嘢又阴声细气，以前都成日做呢啲角色，太监、乸型啦，其实呢啲角色几嘥energy，几难做㗎，因为同现实嘅我两回事，但冇办法喇，我如果做得差又俾人话唔似，做得好啲人又话你系基，其实都几茅盾㗎，但横掂都做基，我就觉得不如基到尽啦。”为了可以“基尽”，李豪非常留意剧中一班女演员，他说：“我成日黐住班女艺员，问佢哋如果系咁，你哋会点做，点讲？好多时都参考孙慧雪。”

一Take过锡蔡淇俊：真系好大镬㗎！

虽然扮基扮乸入型入格，但李豪原来想突破这个框框，他说：“我都好惊自己畀公司定咗呢条路线，我谂应该好快有人取代到我啩？头几次做，会觉得系挑战啦，但做多咗就有啲闷，但公司安排到就一定拍，我会做好佢。其实依家都玩紧健身，想大只啲，（大只无得做乸型角色？）咁就最好啦！哈哈。”除了今次《幕后玩家》外，李豪深入网民心的角色全是乸乸地，尤其2012年特别多，《心战》扮男妓Quincy色诱秋官，《东西宫略》饰演太监小六，但最令网民大赞的，是《4 in Love》同蔡淇俊扮夫妇，之后还要接吻，李豪自己都觉得这角色最难忘，他说：“绝对系锡蔡淇俊啦，锡𠮶下真系好大镬㗎，我完全冇办法想像要锡落去，但监制（戚其义）在场，佢话为求真实感，不如真系锡落去啦，剧本只系写锡面，我同阿俊又唔想阻人收工，就快啲拍，一take过，拍完都冇潄口，因为仲有嘢拍，之后都唔记得咗。”

除了乸型，同性恋角色，李豪最令人记得的是《爱‧回家》饰演咖啡师阿豪，剧中同马子妮（蒋家旻饰），李豪亦觉得这是他的代表作，他说：“之前冇谂过会有条感情线㗎，角色初头只讲我系喺咖啡店，唔知点解做做下越多戏，都几开心。”可惜《爱。回家》之后，李豪又回到从前，角色发挥不多，他说：“唔开心系有少少，觉得有少少戏做喇，点知又做返啲无咩戏做嘅，不过等公司安排啦，我当系一个训练。公司捧人睇时机，你急都冇办法，唯有等啰。同埋我𠮶样咁后生，通常都系做人哋个仔，好少做到人哋男朋友，《爱‧回家》系好少数，你睇TVB啲剧有几多系后生仔嘅爱情故事？”

李豪这种等机会不是消极地等，他一边在无线等机会，一边是股票玩家，他说：“爸爸妈妈以前从事呢个行业，所以自细都识啲，试过输几廿万，又试过嬴几廿万，以前唔够经验，试过开紧工，唔记得放而输钱，就快深港通，可以留意下的煤炭呀，基建板块咁啦。自己亦搅紧个美容品牌，希望下年可以推出啦。”李豪炒股几十万上落，原来不是乸型，是笋盘至真。