【港姐2020】海外佳丽张盈悦初见传媒　寒背缩膊表现失色

《2020香港小姐竞选》十六位本地佳丽连同两位海外佳丽共十八位入围佳丽会晤传媒。其中来自美国洛杉矶海外佳丽张盈悦（Joyce)首次亮相，台上全程寒背缩膊表现失色，成为全场焦点。活动结束后，Joyce就此接受《香港01》访问时表示：“我比平时系紧张，可能头先见到咁多人所以吓一吓，不过自己都觉得表淡定，好彩行路冇跌亲，起码冇人肉骨牌出现啦！”

（点解寒背缩膊？）Joyce承认是宅女一名：“自己本身都好钟意打游戏，因为年头到而家大部分时间，都系一个人屈喺个梳化度打手游，可能就系咁久而久之习惯咗个姿势，我相信俾用几个月时间，迫自己坐直应该会变返直，即系由‘洞穴人’变返人类，而其实仲有一部分影响嘅原因，可能我嘅内衣比较旧嘅，不过最近我就买咗啲新，希望帮到我。（内衣点旧呢？）因为我两个星期冇出过街，同埋系美国𠮶边好多铺头都唔开门，一直都喺屋企过咗好长时间，就好似‘时日如梳’咁，好多用嘅嘢都冇买过新嘅，而内衣嘅功能都失效过时。（咁而家买咗新嘅内衣未？）我可以形容系即刻系跑去买，因为每次都系晚八闩门，时间好赶，不过都成功买到嘅，买到大出血。”