【新冠肺炎】麦德罗出院即约饮茶惹众怒　拍片道歉：对唔住我做错

61岁麦德罗早前患上新冠肺炎（COVID-19），成为首批中招的圈中人，经过两星期入院治疗后，日前（01/8）终于正式出院，前日就即时约老友刘少君到酒楼叹茶，他更拍片报平安：“好耐冇叹过茶，今日同老友记互相问好，好似生离死别咁。”刘少君亦入镜说：“病毒周围都会有，我哋只要注意卫生，就一定可以将佢（病毒）击破。”片段一出，立即被网民围攻，指他们不理自己及他人安全。

事件愈闹愈大，麦德罗今日终于拍片交代事件：“先同各位网民、读者讲声对唔住，因为我读完报纸都好唔开心，㖊日朝头早应约同刘少君出嚟喺我楼下附近饮茶，出嚟分享吓我哋好返嘅喜悦，同埋分享吓喺医院嘅卫生，我哋喺医院四个人一间房，瞓觉都要戴住口罩瞓，唔戴住系好危险。但系出嚟饮茶系唔啱嘅，先同大家讲声对唔住，亦都先多谢呢两个星期照顾我嘅医护人员，同埋对家人讲声对唔住令佢哋受影响，公司方面一直有照顾我，讲声对唔住。我希望大家就算确诊好返，都唔好随便约人，尽量留喺屋企，调理身体，总之唔好出去应酬。我喺度都讲声大家注意卫生，身体健康，对唔住所有朋友，我做错了。”

点击下图观看与他一起中招的施匡翘IG靓相：

同场加映：迪丽热巴出席腾讯发布会仙气迫人　低胸高衩晚装展现雪白美腿