拒戴口罩被换走？　梁思浩自租录音室保平安都唔得：系我要求换人

梁思浩被电台D100飞起？因疫情关系而下令所有DJ需配戴口罩做节目，不过日前由D100电台节目《大家“真”风骚》的Facebook所见，虽然主持人李丽蕊和陈彦行有跟从指引戴上口罩，但梁思浩就如“冇掩鸡笼”般，并未戴上口罩做节目。节目中梁思浩以“讲嘢太快，戴口罩会影响大家收听”为理由，而选择不戴口罩做节目。不少网民就留言批评，指他不顾同事感受，十分自私。

新冠肺炎｜梁思浩以“讲嘢太快”为由开咪唔戴口罩　网轰：低智！

点击下图睇　网民批评：

今日有消息指，因梁思浩坚拒戴口罩，认为难以做节目，但D100电台高层因要考量观众的要求，所以决定找其他人顶上思浩在《大家“真”风骚》节目的位置，直至疫情放缓，双方会再次商讨，并强调双方有商有量，并不是“炒大镬”。《香港01》向梁思浩查询事件，他指：“说话不如倒返转，其实系我要求由听日开始（换人），我由始至终其实唔系D100员工，系合作伙伴，唔系佢出粮畀我。我自己提出嘅，我最先觉得直播室太多人，觉得有危险，我自己喺出面租咗个直播室，系少人啲，私人直播室，得我哋三个节目主持人，但佢哋唔畀出面租直播室保护自己安全，我觉得自己出面租个私人直播室会安全好多，都达唔到佢哋要求，唔紧要。”

其实思浩都有跟两位主持人沟通，李丽蕊同陈彦行也觉得无问题，他说：“今日朝早直播，我已经同两位主持人有两米距离，我系有戴口罩，但我拉低过咗鼻，因为要透气，D100话唔符合安全标准，唔接受我呢个做法。我嘅解释系我要吸好多氧气落肺，我真系冇办法，你试吓戴口罩唱快歌系唔得，当时我觉得原来连吸气都唔合规格，咁我就话我听日开始揾个替工替我喇，系我要求嘅。其实我已经做好晒保护，你可以问返李丽蕊同陈彦行，佢两个都觉得我好安全。”