杀手│监制陈维冠视网民批评为鼓励：人哋唔睇你，因为你做得唔好
“TVB我唔睇!”这句每日在讨论区出现
《杀手》监制陈维冠当然清楚网民对TVB剧的感觉,他说:“佢哋嘅批评对制作人系一种鼓励,因为你要做好啲，人哋唔睇你,因为你做得唔好。”
陈维冠是TVB金牌监制之一，不是客套说话，从他监制的作品，不论卡士及资源，一看就知是极高层心目中的爱将，《杀手》两年前他向老板提出想开拍，老板叫他等多一会“2年前公司要拍《夸世代》,咁我完成咗喇，我话咁应该到我玩啦，唔系交换条件，公司觉得50周年要有套50集嘅剧，咁咪拍咗𠮶套先啰。”
先完成老板心愿,再从中找机会创作心中所想，陈维冠这个职场智慧值得各行学习：“老板𠮶金刚圈唔会想錬死孙悟空，因为佢知道孙悟空好打、帮到佢，你帮佢解决问题，佢实会俾空间你嘅。”
拍剧不单只为收视
虽然现在平台多了,但TVB剧集收视撇除疫情影响,24,5点收视稳收,作为一个监制只要作品稳稳阵阵这个数字不难，但监制陈维冠不想作品只为顾及收视,他说:“我偶像是 Stanley kubrick,他每一套电影都是不同种类，当你可以自主创作题材嘅时候，原来你可以玩一啲你自己钟意嘅题材，唔好话冇咁TVB啦,我希望带俾观众多一啲选择，我会考虑收视，如果拍啲嘢冇人睇,拍嚟做乜?但照顾大众又唔好失去自我。”
TVB想剧集拍得住美剧、韩剧
《杀手》有别于一般的TVB剧，会奇怪陈维冠怎样推销到给老板，但对他来说一点也不难，他说:“《杀手》唔难sell俾老板，时代唔同咗，老板都会睇其他平台作品，佢哋会问‘点解人哋做到?”咁你咪话俾老板听，‘我哋都做到架，只要你(老板)肯support’,我比较好彩,老板肯support，咁我咪做到啰,虽然我做唔到Game of thrones,佢一千万美金一集，咁我平啲一百万一集啰，多啲钱咪去多啲唔同地方拍，公司冇咁多资源咪尽做啰。”
难忘帮韦家辉出假rundown
不论你做那一行,了解老板所需及痛点又解决到,你就无往不利，陈维冠深明此道理，未入行前曾在股票行打过工,亦当过社工,经朋友帮手递申请表入到TVB当助理编导，他帮过韦家辉及戚其义，两位都出名有要求的监制，对他日后做监制有很大帮助，“我好记得帮韦家辉拍《马场大亨》，真系做到喊,因为佢成日飞纸仔,有日佢同我讲阿Joe(陈维冠),帮我出24张rundown,for马来西亚拍摄用嘅，但要假嘅，但假得嚟似真㖞,因为佢要交俾马来西亚𠮶边,但佢又未有剧本，咁唯有咁做。”
戚其义教晓用有限资源
创作人当然想无限子弹完成自己的作品，但现实中接近没有可能尤其在TVB，陈维冠一早知这个道理，“戚其义教我，你book架水车(制造下雨效果)，你用十分钟定系全日都用?如果只系用十分钟，我教你用“唧唧枪”，一样做到落雨效果，拍剧亦一样,我哋冇人咁多资源，呢个系事实喇,改变唔到喇,咁我地就要用得其所。”
“唔钟意TVB嘅人都入嚟睇下”
其实不用以《Game of thrones》作例子,在Netflix或爱奇艺随机找一套剧集，制作费及时间都在TVB之上，基本上无得斗，但陈维冠有不同看法，“我希望自己的作品贴紧年轻人在其他平台看到的高水准作品，电视剧一路进步当中,所以我哋都要跟得上，网友对我哋嘅批评其实系鼓励，点解?因为你要做好啲，人哋唔睇你,因为你做得好，等于你入戏院唔会买飞睇啲你唔想睇嘅戏，咁我哋要自强，永远都系唔好怨人做好自己，做咗观众钟唔钟意一回事，我拍嘅时候开心,我班演员开心，班演员觉得做咗个好嘅作品出嚟，但之后发现计算错误,观众唔钟意㖞,咁咪去学习啰，我就希望睇其他平台嘅人,都睇我嘅电视剧，而又要令睇开嘅或者闹开嘅,都过嚟望一望,可能佢哋会觉得‘都唔系咁差㖞!””
TVB剧难同其他国家相比问到他TVB剧同美剧及韩剧或者内地剧最大分野在那,他觉得是资源及政府的支持：“所有嘢都系由钱及政府帮手去打造，《Game of thrones》一集制作费贵过一套电影，所以人哋造到全世界最收得嘅电视剧，大家都知TVB做唔到，冇呢个budget，咁你都要体谅，以前冇internet嘅年代，TVB卖录影带去马来西亚,都卖到好多钱，𠮶阵咪蓬勃啲啰,而家就要喺资源有限下谂办法，系冇咁多钱喇,现实嚟喇，即系你01记者有冇BBC记者咁劲?冇呀痳，一样咁解啫。”陈维冠口中的BBC,应该唔系Big Big Channel吧?陈维冠监制作品列表
后记
李佳芯早前被雪藏连带《杀手》宣传片都被剪剩半秒，问到陈维冠是什么原因，他说:“我唔知你讲边个㖞，嗱,我嘅版本只得一个,(然后向记者拿出手机播片，那是《杀手》2018年的首条预告,出现很多李佳芯镜头) ，我冇将李佳芯cut剩半秒㖞。”没有再追问下去,大家哈哈大笑完结这次访问，金牌监制有时都要懂得耍太极或者扮唔知。