监制王伟仁当年为第一代北上拍剧导演：以前香港人身份系一个优势

“𠮶阵中央台啲经理、主任有睇亚视，TVB佢哋唔系太识!”
想不到ATV原来曾经赢过TVB，那个时空是2000年代，地点是北京，见证这件事的是剧集《十八年后的终极告白》监制王伟仁，20多年前他是第一代北上拍剧的港导，他说:“我去北京𠮶阵得一、二环，奥运村都好似未起，𠮶阵中央台啲经理、主任好寸架，佢哋根本唔钟意睇香港嘢，要睇都系睇亚视，因为佢哋多古装，佢哋有睇《武则天》《秦始皇》，所以识冯宝宝、米记(米雪)、松仔(刘松仁)、刘永，(TVB都有《西游记?)陈浩民香港人识啫，𠮶阵大陆边有人识佢呀?”
TVB当家小生北京中央台主任不认识，何况是导演?但监制王伟仁表示当年北上港导有光环：“佢哋听过TVB呢个名，但唔系因为你哋系TVB导演而地位高，系因为你哋系香港人，𠮶阵唔理系做边行，只有你系香港人，地位都高啲，讲紧几廿年前唔系而家!ok?佢哋觉得你哋好自由㖞，天气好好，啲人好有礼貌㖞，系呢啲优势咋...”

第一代北上拍剧港导

《十八年后的终极告白》监制王伟仁入行38年，当年读书时在街上看到麦当雄拍电影《靓妹仔》，觉得拍戏很有趣而入行，原本寄信去亚视体育组，但king sir钟景辉将他放去戏剧组，就踏上了当电视剧导演生涯：“我第一次做助导跟查传宜，𠮶阵两年升导演，之后小青姐家豪哥带我入TVB，我算系第一代返大陆，当时冇人肯做监制架，做导演先好揾呀，𠮶阵大陆演员人工边有而家咁癫，导演高啲嘅，香港导演就系每一挞地方嘅开荒牛，台湾搅台剧𠮶阵都系全部香港导演，点解钟意香港导演呢?因为我哋以前拍太多嘢?古装、时装，清装、民初，啲老细觉得我哋快得嚟啲嘢唔系粗技大叶，大陆导演就艺术啲，佢哋讲嘢系叻嘅，但一落场就好多时over(超时或超支)，好多老细濑嘢呀，所以我哋机会会多咗。”

ATV劲过TVB?

2000年之前亚视剧集有时都会在打赢无线，但整体上都是TVB是大台、亚视是弱台，但监制王伟仁表示原来在20多年前，北京那边是ATV够为出名，TVB剧竟然没有人认识：“中央台𠮶啲经理、主任好寸架，你同佢讲香港拍过乜?乜都唔计，剩系计你大陆拍过乜，因为你哋个啲佢哋唔睇，但拍咗一套之后，香港导演就好快上位，因为啲嘢掂呀，𠮶阵导演地位高，我上去拍中央台剧集《银鼠》，我就揾浩民(陈浩民)拍，佢拍完呢套都冇喺香港返大陆捞啦，(西游记之后?𠮶阵佢香港好红)香港人识啫，大陆边有人识佢呀?因为我哋喺南方，但大剧多数喺首都拍，啲经理、主任唔睇香港嘢，就算睇都系亚视，佢哋有睇《武则天》《秦始皇》，所以识冯宝宝、米记(米雪)、松仔(刘松仁)、刘永，TVB佢哋一啲都唔识，因为亚视多古装，后尾接触我哋多咗，从我哋口中都知多咗TVB。”

抗日神剧

王伟仁除了拍古装及时装外，原来连抗日神剧都有拍过：“抗日神剧?有，我梗系有拍过啦，大陆人钟意睇战争片，系香港人唔钟意啫，好玩架!佢哋分两种，一种系国家81军拍嘅，佢哋又哂制片自己厂房，好认真，好正式，另一种系私人拍就涉咗好多戏剧元素，我就拍𠮶啲，日本仔点衰呀，几有戏味架，几多香港导演拍到风山水起呀。”虽然在国内吃得开，但他没有在北京内地生根，“我始终当系做嘢，冇谂过系长住，如果有谂一早买楼，而家发咗唔做啦，当时因为个仔要升大学喇，想睇住佢，出去太耐都真系想喺屋企多啲，咁啱监制王心慰又问我有冇兴趣返TVB，咁我就返去啦。”

TVB优势系厂房

不时听到网民追求剧集实境拍摄，但王伟仁反而觉得厂景才是皇道，亦是TVB现在最大优势：“而家全世界都揾紧厂呀，你就算荷里活都系架，大陆一样，而家演员费太贵喇，如果落雨你点算?或者拍车戏，而家喺厂拍架喇，因为撞车、演员受伤，咁点算呢?最紧要你喺厂拍控制，TVB最大优势就系厂啰，古装香港拍我ok架,，有两条古装街，远啲就南生围,太阳谷，系缺乏内地𠮶啲大山大水啫，咁呢啲慢慢可以喺后期都做到痳。”

香港新一代导演难打入内地

王伟仁跑惯江湖，说话爽直，他是那种爱出外拍摄多过做行政工作的监制，他觉得在内地拍剧，台前幕后关系密切，“你喺大陆拍剧，三个月真系台前幕后一齐住,放工食饭饮酒，大家感情好好，拍完要散真系唔舍得架，香港就唔同，大家住唔同地方，剩系约埋一齐去目的地都有排烦啦。”王伟仁那一代港导，好像蒋家骏、林玉芬在国内仍然吃得开，但新一代港剧导演想打入内地市场，王伟仁就有点担心：“今时今日以前旧𠮶班导演仲可以玩到，新𠮶啲打唔入𠮶市场架喇，香港剧集以前成功就系因为三机拍摄，但而家大家都真系好少用啦，同埋当年我地上去就系后生仔啫，大陆就老导演，而家人地都学哂你哋啲嘢，你又未必建立到人脉，就比较难少少嘅。”监制王伟仁说的三机拍摄，是以前TVB的制作模式，因为三机拍摄性价比高，以前电视台导演每日要拍摄20页或以上的厂景，三机是唯一可以完成的方法，但TVB近年而没用三机拍摄，除了《开心速递》还有之外，所有剧集都采用单机拍摄，单机好处是镜头够多、灵活度高，但相对制作时间长，变相成本亦增加。