陈梅馨神隐多年现身　不欲多提与温兆伦旧情：费事话我翻炒佢啲嘢

现年51岁前无线艺人陈梅馨（Bessie，曾改名陈明君）“神隐”多年后，今晚（7/7）终现身电视城，出席无线音乐节目《流行经典50年》录影。虽已年过半百，但保养得宜。想当年参加“1988年度香港小姐竞选”入行，先后拍过多套剧集，包括三辑《壹号皇庭》等，后来转到有线电视担任主持，2005年退出幕前，要数她在幕前十多年间最令人深印象的事，不得不提90年代初她与温兆伦的一段情，双方最终因感情决裂反目，事后有指男方向女方追讨14万分手费，轰动娱圈。

对于前尘往事，Bessie承认当年年纪小，不懂处理感情事，“好似而家人大咗，如果去处理感情事就会成熟啲，只可以讲当时自己唔识，人哋讲咩我又去做。（双方拍咗几耐拖？）我哋拍咗年几拖，算啦！唔好讲啦！都过咗咁耐，人哋都有家庭又有小朋友，我都唔想影响人，费事话我出嚟又翻炒佢啲嘢。（有指你哋结咗婚？）其实我同佢冇结过婚，我都唔知点解会有咁嘅报道，我想澄清到而家我都仲系单身。”