女友朱智贤疑被无线雪藏未有工开 谢东闵：佢近排好好
撰文： 吴子生
出版：更新：
谢东闵（Brian）今日（6/7）现身电视城出席无线剧集《杀手》宣传造势活动。Brian透露今套剧集从演以来被人打得最多，“其实我好钟意呢个角色，因为系好特别又好复杂，当中我与麦明诗会有感情线，但又唔可以讲得太多，因为呢个星期我就会亮相，观众就会睇到我被人系咁打，唔似得佢哋做杀手咁好打，我只系一下靶位被人打嘅人，不过观众同时又会睇到好多动作场面，大家拭目以待。”
讲起女友朱智贤最新情况， Brian就话：“佢近排都好好，其实之前记者会要讲嘅嘢已经讲晒，呢段时间我都会陪住佢，希望大家都好，大家俾正能量大家。（无线有否通知佢几时开得工？）我真系唔清楚，你哋都系问返朱朱。”