陈少霞公开与刘德华不和真相：𠮶时拍《天与地》我匿埋喊

陈少霞92年加入娱乐圈，当时年仅16岁拍摄第一部处女作电影《三个夏天》，并于13届电影金像奖获提名最佳新演员奖。翌年，获得刘德华赏识罗致旗下《天幕》制作公司，在电影《天与地》与恩师刘德华合演夫妻，之后有传陈少霞秘密过档无线激嬲华仔，二人因此反目，师徒关系从始断绝。

陈少霞昨晚（22/5）现身新城电台节目《诗情廿四味》接受倪诗蓓访问前，就上述传闻接受《香港01》访问，将冰封26年不和传言亲自打破，“其实当时拍紧《天与地》嘅时候，都知《天幕》将旗下嘅艺人卖咗俾张国忠嘅《艺能》，因为两间公司都好似兄弟公司咁好嘅关系，话我因为去咗第二间公司华仔嬲我，绝冇咁嘅事，就算我过无线拍《总有出头天》第一套剧，都系公司帮我接，可能当中有啲误会。”

陈少霞提起在天津拍摄电影《天与地》期间，直认同刘德华拍戏压力爆煲，每晚拍摄完毕，会躲在酒店房间逃避狂喊：“其实当时呢套电影系我第一部担正做女主角，过往出外拍戏我妈咪都会陪我，而当时去天津拍戏嘅时候，公司就叫我唔使叫褓姆去，话公司会有同事照顾我，但始终佢哋嘅照顾同我妈咪𠮶种照顾好唔同，再加上同刘生拍戏真系有压力，因为佢实在太红，而当时自己只得𠮶十几岁又做女主角，佢又成日同我一齐，可能因为佢哋觉得刘生对我特别照顾，咁所以有啲人唔系咁喜欢，都会听到一啲对我单单打打嘅说话，亦知道周边啲人唔钟意自己，咁变咗我觉得被人杯葛，就系呢啲原因我好唔开心，每晚都喺度喊好惨。”