“逆龄女神”邝文珣公开惊世冻龄秘诀：唔好空肚食早餐

有“逆龄女神”之称现年45岁的邝文珣（May)，虽然而是二子一女之母，但依然少女味甚浓，与想当年其初出道时相比，依然靓绝，昔日的她凭著甜美笑容，清新脱俗的外貌，凭无线处境喜剧《真情》里饰演安仔（刘恺威饰）的女朋友Joan，俘虏万千少男的心成功入屋，更被誉为“翻版刘嘉玲”，风头一时无两。

今日（8/6）阿May现身观塘出席香港开电视《30分钟大放𩠌》节目录影时，接受《香港01》访问，向大家分享养颜之道：“其实自己日常生活都好少食甜同淀粉质食物，其中一个养生秘诀就学黎明话，唔好空肚食早餐，就系饮水。我以前唔习惯，但宜家我唔做唔得，真系唔知佢喺边度谂返嚟，呢样真系好健康，我亦同意千祈唔好空肚食早餐。”May续说：“其实我起身之后，饮水又冇话饮几多杯，不过我觉得啲水有啲味道会好饮啲，我就会加啲柠檬喺水度，因为自己唔钟意冇味道。”May又指从来不会有食宵夜习惯，每日只食三餐正餐，饮食习惯非常规律。

讲完饮食，再讲到护肤之后，阿May笑言自己很懒惰：“如果可以选择都唔会开冷气，因为好容易令到皮肤好易干，但我老公佢好怕热要开冷，咁所以我就会买一啲芦荟保湿Mask，虽然敷5分钟，但我就唔系好够时间用，同埋我又唔系好着重自己块面靓唔靓，你哋真系唔好以为我好贪靓，其实做咗妈咪又要照顾三个小朋友，真系冇时间去做其他嘢，连做facial都冇时间呀！”