【后生仔倾吓偈】冯盈盈自揭另类“价目表” 竟然输畀KOL波波 ?

《#后生仔倾吓偈》不时都会以直播形式同观众有更多互动，日前以“性”为题进行直播，身为性博士嘅冯盈盈虽然未有太多出位言论，但她提到中学时确系曾经对性十分投入：“因为𠮶时刚认识到性，觉得拎出嚟讲好有型，试过讲到best friend问我系未真系咁谂同咁想试。”

其后，盈盈以“市场调查”为理，问一众后生仔嘅价钱，波波表示不时都会收到私讯问价，但佢就发誓自己从未有回复过：“我试过有人提出五位数字/每小时，对方话都唔使做，我仲同朋友讲笑可以同佢坐巴士过东隧，塞车都起码大半个钟。”另一位后生仔孔德贤（Danny )虽然无被问价，但就话之前试过有男粉丝出价5百元收购其有味道嘅运动袜！而身为港姐冠军嘅冯盈盈，去年她曾节目上透露被问“五百蚊过夜得唔得？”，昨日在直播时她旧时重提，并笑言充满娱乐性，并谓：“大家都系五，点解佢（波波）有五位数，我就得五百？不过，其实啲价真系无大家想像中咁高，我试过被开价20万去旅行。”之不过，盈盈就未有详细透露20万旅费到底需要做啲咩。

同场加影：

【后生仔倾吓偈】被网友讨论“几钱一晚”　朱智贤：我唔系做开

点击睇波波靓相：

再点击睇埋更多冯盈盈靓相。