【降魔的2.0】传麦凯程因示威遭TVB雪藏 马国明：我连佢电话都冇
撰文： 陈芷颖
出版：更新：
马国明今日（14/5）现身将军澳电视城出席TVB剧集《降魔的2.0》宣传活动，昨晚播出的一集中讲到马明重遇生命中最重要的人，一幕幕感人画面令观众睇到眼湿湿，马明指要开厂未有时间重温：“我自己未睇，但拍嘅时候个感觉好正，遇返好多第一辑嘅人，可以令观众有返回忆。之前虐儿𠮶单case好多观众钟意，嚟紧有好多touching嘅故仔。”
剧中，马明的角色非常“麻甩”，不但有除裤镜头，仲有金句“左青龙右滑鼠”，拍摄时马明未感尴尬，仲有做返自己的感觉：“拍嘅时候我打晒底，好多朋友同我讲返呢句，我跟剧本读，好好笑好抵死。做小马好舒服，又唔使顾样、顾头，好贴地嘅的士佬，唔使点化妆就埋位。（做返自己？）都系，小马有啲嘢几似我，但我未至于着短裤出街，喺屋企唔会着孖烟通。”
+1
有传同剧演员麦凯程在反修例活动中被捕，继而被TVB雪藏，麦凯程今日亦未有现身《降魔的2.0》宣传活动，马明指与对方不熟悉：“我同佢唔系好熟，同佢唔系好多戏，之前又未合作过，唔系好认识，我唔理人哋私人嘢。（知唔知对方近况？）我真系唔知，我连佢电话都冇，记者讲我先知。”
力捧小生麦凯程传因示威被捕急停工作 无线︰不知他什么时间复工【后生仔倾吓偈】麦凯程爆肌露人鱼线 麦明诗红都面晒：My Love降魔的2.0│马国明昏迷陷鬼域重遇石敢当 洋葱放题挑战观众泪腺【降魔的2.0】醉酒谭凯琪短裙仔登场 被马国明认定“送外卖”？【降魔的2.0】马国明为艺术牺牲 当众露底兼对住刘佩玥“露鸟”