【后生仔倾吓偈】麦凯程爆肌露人鱼线　麦明诗红都面晒：My Love

为配合最新一集《后生仔倾吓偈》嘅主题－－纹身，一众后生仔都特地去整咗个纹身贴纸，选择喺锁骨位置“纹”雀仔嘅麦明诗，问到有咩特别原因时，佢先系摸一摸锁骨，并用性感语调表示：“想唔想睇下我只雀呀？我谂住大家公平嘛，我又可以睇下对方只雀嘛。”麦明诗突然开黄腔，全场人都只能用傻笑作为回应。
 

身为嘉宾嘅麦凯程，自18岁已经开始纹身，喺节目中除分享护理纹身心得之外，亦被要求除衫展示身上嘅纹身，拥40寸胸肌嘅佢，喺除衫之前，被6号问到要唔要做下掌上压谷肌时，佢就好轻松整话“唔使，我all time ready”随后当佢脱下背心前，“Louisa俾你嘅”说毕将黑心背心脱下，露出完美腹肌，最好笑系麦凯程解释心口“A”字纹身时，麦明诗提议冯盈盈都可以喺心口整个A字，明寸佢无身材，激到冯盈盈大闹“痴线”，仲话“系未整G啦”。
 

其后，麦凯程诚邀麦明诗喺人鱼线位置留下爱的印记，对于麦凯程呢个提议，麦明诗真系开心过得到港姐第一名，笑到红都面晒，并随即喺麦凯程嘅人鱼线写上“My Love”并表示:“沿住呢个位……再上返去欣赏佢啲肌肉”。