邓颖芝千字文闹爆“咸猪手”教练借上堂非礼女学员：简直禽兽不如

艺人邓颖芝（Vangie）今日（10日）网上发火，以千字文狠批一名声称自己是MMA（综合格斗）的男教练。事缘该名教练以教格斗技巧为名，非礼为实，借机向女学员“抽水”，而且动作相当大胆。邓颖芝截图留下了这名教练的罪证，更形容这位教练绝对不是真的教练，只是一名猥琐佬。她说：“你教乜嘢武术呢请问？请广传，以免更多人受害！！！！！！！”然后又指，如果该名教练将相片删除，她会再公开事先已准备好的截图。

究竟佢呢啲系咩招数呢？

邓颖芝续说：“没有任何武术或运动，教授时需要咁多、咁贴近、咁夸张嘅身体接触，是。没。有！ 特别系男教练（教）女学生，专业嘅教练识得尊重和避忌，而佢地亦会有相应嘅训练去以尽量少嘅身体接触嚟教你，如果要掂到你都会问一声先，当有可能要掂到你啲比较敏感嘅部位，都会用其他嘢代替手，唔会直接摸你，更加唔会咁样压你埋墙，成个身贴住你。”

“你觉得唔舒服已经系界线，就算你当时好惊无闹佢，都尽快走，同身边嘅人讲，唔好再返去。 唔好比人呃，无人会咁教你，如果你真系对你教练行为有疑问，我欢迎你问我，千祈唔好哑忍呢种对待。 至于呢个猥琐佬（佢绝对唔系一个教练，不管系知识上定态度上），我希望佢快啲去死，利用别人嘅信任去逞自己嘅淫欲，简直禽兽不如。如果你识呢个人，或曾身受其害，可以嘅话请你出嚟指证佢。”

《香港01》致电给了Vangie，她得知这个消息是在朋友社交网站看见的，看完后Vangie第一时间是感到惯怒，原因是她曾遇上过同类型的事年，她说：“我自己有经历过类似事情，都系学MMA。个一刻我都系好惊，唔识处理呢件事，所以我睇到好嬲。”事后Vangie并没有报警处理，因为那时她身在的地方是在泰国习训，所以第二天再没有到那个地方学MMA。

点击睇更多邓颖芝照片！