【专访】谭俊彦试过穷到冇钱开饭：帮人影印仲要穿柜桶底偷两蚊
“其实我好闷，我每一日都会弹同一首歌，我觉得系一件可以抽离嘅事。”这是谭俊彦（Shaun）说的，《 INTO THE ARENA》这首歌曲由2016年弹到现在。其实无可否认Shaun是需要抽离。无他，自出道以来一直被笼罩在父亲的影子下工作。总不乏人们对他说：“你咪系狄龙个仔！”却叫不出他的名字谭俊彦。另外回流香港工作后，又被称为“收视毒药”，虽然口中说习惯了，但处身于他立场，也不会好受。
TVB生态系一个淘汰赛
谭俊彦Shaun在TVB被受力捧，每一套都是男一，现播放的《十八年后的终极告白》又是男主角。谭俊彦坦言听到闲言闲语，但他承认TVB是有山头文化，“好多同事都有唔同联盟，或者一班团体去帮自己或者帮大家。分党分派一定有，尤其是大公司。好似我刚入到嚟，每一个人都会觉得公司又捧你，系咪你又抢晒人哋啲机会。我觉得其实系一个淘汰赛嚟，尤其是喺TVB环境，你一要增值自己，做好自己咪就唔会畀人淘汰。”
初入TVB拍《天命》即做男主角
《十八年后的终极告白》是谭俊彦在TVB中第五套担正的剧集，2018年《天命》是谭俊彦入无线的第一套剧集，播出时候观众应该会有一种感觉，“呢个男主角边位呀？”始终谭俊彦是在内地发展时间比较长，观众对他陌生是无可否认的事，而《天命》播出后确实收视不如理想，他说：“拍个个时候冇呢个感觉，因为觉得都系拍戏。我出道都系同梅艳芳拍戏，签TVB之前都系同谢霆锋与刘青云拍电影，尤其电影业好多朋友，认识好耐。然之后我发觉TVB观众同电影观众系两批人，重新要打入观众层面真系好困难。”
点击睇《十八年后的终极告白》谭俊彦的演出剧照！
被称收视毒药受打击：当时真系好逆境
《天命》其后播出的是《特技人》及《包青天再起风云》，可是这两套收视亦不如理想，在网上评价也一面倒，因此谭俊彦Shaun更被封为“收视毒药”，他毫不避讳说：“我好难唔睇《香港01》，咁大个字写收视毒药，呢句我要望镜头讲。冇嘢嘅，我成日都话顺境波又要打，逆境波又要打，当时真系好逆境。你话会唔会唔开心，咁紧系会啦，我会谂我嘅演戏生涯会唔会完结，我都系一个好悲观嘅人。要知道观众好可能十单唔会记得，但衰一单或两单永世就要揹负呢个名，唯有沉住气做。”
穷到穿柜桶底
谈到逆境，Shaun坦言接近40年的人生是经历了不少逆境，无论现在还是以前。年轻的时候他身在国外读书，曾有段艰辛日子令他连日常生活三餐也会有问题出现的情况。大家可能有个疑问包括记者都有这样的想法，作为狄龙儿子，他的成长果程其实应该会无风无浪，物质上应有尽有，从不缺乏，当然这只是大家对他的想法。他说：“好多人会讲摊大手板咪得啰，但我觉得好难，我会觉得对唔住自己。其实大家都试过冇钱交房租，食饭真系揾散银出嚟俾。我都可以讲呢个，我试过穿柜桶底，当时加拿大帮人做影印，咁我就拎咗个$2，当然之后冇再咁做，因为知道冇理由为咗少少事情放弃你前途。”
狄龙个仔都系冇优待
步入社会工作后，加入娱乐圈，Shaun被情绪问题困扰，除了要接受“狄龙儿子”这个标签了接近二十年的演艺生涯，有段时间没有工作亦是压力主要来源，“作为演员好多事情唔稳定，收入唔稳定，情绪唔稳定，开工时间唔稳定。以前会饮酒解决情绪问题，放弃自己都试过，我试过有一段时间冇工开同冇晒钱。”不过现在的他处于稳定期，更戒掉了饮酒的习惯，始终组织了家庭，有了小孩需要照顾，不希望身上有酒味。
童年缺乏父爱
从少时候开始Shaun会幻想组织一个家庭，原因是小时候缺少父爱。狄龙当年是事业高峰期，要忙著兼顾影视工作，Shaun有可能一星期只会见到一次或两次父亲，“我成日都好向往爸爸拎住公事包，返到屋企会讲今日过成点，然后返到学校再同朋友讲呢啲。我细个真系冇，所以我希望依家比较多啲时间陪小朋友。”
狄龙：你会激X死我
记者印象中的狄龙是一个很“大侠”、严肃、有霸气的一位演员。有趣的是经过这次访问Shaun能了解多点这位前辈，原来在萤幕上看见的他和回到家中的他也是一名“大侠／包青天（曾经狄龙演包青天是他演戏生涯其中一个经典角色）”Shaun笑言：“其实佢对我好严格，佢唔畀我瞓到好晏，大家都知年轻都系夜晚活动。有一次佢同我讲‘你知唔知道瞓超过12会死人’，我谂紧点解会死人，我上网揾下，佢好认真同我讲‘你会激X死我’我一开头都唔明，但之后都明。佢系一个好传统嘅人。不过好多谢佢呢个严格令我学识好多演员基本，唔迟到，背熟对白。”
狄龙包青天不再 从此成为慈祥爷爷
Shaun与妻子育有一子一女，狄龙自从荣升为爷爷这个角色后，狄龙不再是一个威严的人，立即成为慈祥爷爷。这改变令Shaun都吓一跳，不过也理解爸爸这个心情，他说：“佢成日都会买好多玩具俾佢哋，叫佢哋记住系佢买，好搞笑。我以前唔系咁，佢好恶，食饭时候会用筷子打我手。依我未开始闹佢哋时候，佢就叫我唔好咁恶，吓亲啲小朋友。我心谂我吓大架大佬！不过孙用嚟踪，要用嚟锡，我都明。”
点击以下图片睇更多Shaun专访内容讲乜！