传与邓智伟情变分手取消关注对方IG　高海宁直认：唔想睇咪取消！

高海宁（高Ling）今晚（9/5）现身将军澳电视城出席《Big Big Shap感谢祭》开幕活动。高Ling指出网上购物已经成为一种习惯，“坦白讲呢排真系少买咗衫裤鞋袜，呢半年来真系冇买过一件衫同一条裤，反而买多咗家庭用品，就系因为疫情关系，令我明白到人生真正需要嘅嘢唔系咁多，所以上个月我嘅卡数都系三千几蚊，比以往五位数字卡数少咗好多，对我嚟讲好有满足感。”

高海宁自认购物狂豪使6位数买高踭鞋：试过最疯狂系一次收20对鞋

早前有消息指男友邓智伟因长驻内地工作时寂寞难耐，竟然背住高Ling暗交一名北京女子，事后东窗事发，高Ling狠撇对方，并在IG个人帐户取消关注对方，举动引起外界对二人分手揣测。

对于此事，高Ling直认不讳：“其实𠮶次，我一次过Unfriend咗三百个几个人，原因人数众多，认为有啲嘢自己唔需要再睇咪Delete晒佢。”（系咪感情有变？）高Ling坦言：“梗系唔系啦！首先就呢件事，我一路都冇公开交代过，咁所以宜家我都唔会选择去交代嘅！”（希望你哋开花结果！）高Ling笑言：“我有好消息再话俾你听！”