【暖男爸爸】郑中基拍ViuTV剧唔怕得罪无线：好耐冇喺TVB出现过！

以往曾为无线拍剧和主持《美女厨房》的郑中基（Ronald），今匀现身九龙湾出席由自己担正主演的ViuTV全新剧集《暖男爸爸》记者会，有网民将他在剧中的暖爸角色，与旧爱杨千嬅在《多功能老婆》相提并论，Ronald就此接受《香港01》访问时说：“我就唔比较得嘅，因为我完全冇睇过，所以冇得比较，其实都有人问我会唔会睇返？我话我都唔会睇返，唔想睇咗之后，怕会影响都自己演出，到时剧集出咗街之后，就由观众佢哋评价似唔似。”

郑中基寸爆TVB：好耐冇睇！

（拍ViuTV剧，怕唔怕无线唔高兴？）Ronald直言：“唔怕！你见我喺无线几多年冇出现过？我好耐冇喺无线出现过喇。”（宜家有冇睇无线剧集？）Ronald串爆话：“梗系冇啦！要睇我都系睇旧𠮶啲啦！新𠮶啲同旧𠮶啲一样，咁我不如睇返旧𠮶啲啦，你宜家都系煮个面我食，咁咪睇返旧𠮶啲啦！况且旧𠮶啲人我都识，睇落有啲亲感亲切咁添。”