“安信兄弟”郭颖东冲出香港拍《死亡笔记》　赞日本制作：帮我按摩面部

日本网剧死亡笔记《Death Note:New Generation》，最近于日本播映，不过最令香港网迷开心的，就是在第二集见到曾拍“安信兄弟”广告之一的郭颖东。这位前港视艺员，今次冲出香港拍日剧，阿东表示见到日本人拍剧是极为仔细，他说：“首先要多谢香港导演梁德森，佢以前喺日本读书，同日本剧组方面有联络，咁佢就介绍咗我去畀剧组，就喺今年暑假飞过去日本拍，导演就系佐藤信介(《丧尸末日战》导演)，佢哋拍戏好细心，我最记得佢哋化妆同香港好唔同，化妆前会同我面部按摩下先，好似做facial咁，化完妆就整头，之后会帮你检查下，睇下你有无指甲过长，会要求你剪指甲，因为佢哋知道会影到你只手或者可能有特写，同埋待遇好好，拍完每一个镜头，佢哋会安排演员休息，等一阵先再拍，唔会好似香港咁一路赶戏。同埋喺片场好有礼貌，喺香港拍嘢，片场有粗口在所难免，但日本人嘅片场每一个岗位都好有礼貌，虽然我唔识听日文，但听到佢哋啲敬语，大家互相尊重。我去了5日，但实则拍了半日，每日仲有2,000日圆（约150港元）车马费，今次系一个好好嘅经验。”

入港视挨两年　人工太奀唔够生活

郭颖东刚完成《无间道》电视剧，准备为新舞台剧开工，今次能够拍日剧吐气扬眉，但曾经都经历过低潮，更试过考公务员，他说:“港视𠮶两年其实都辛苦，每个月有人工，但5位数以下，其实唔够生活，我仲去咗汇丰做测试员，跟住因为家庭都有压力啦，我都投考过海关同入境处，如果佢哋收我，我已经放弃咗做演员，好彩佢哋冇，其实香港做演员条路真系好难行，我自己06年演艺毕业，好多同学都转咗行喇，尤其新入行嘅收入好低，你唔做又唔得，你做但其实都知会做烂市，根本上系恶性步遁环。”今次郭颖东总算冲出香港，已经系成功第一步啦！加油！