Pumpkin Jenn街头派千二支酒精搓手液：有能力就要帮少少手

新型冠状病毒肺炎（COVID-19）疫情持续，每日确诊数字亦不断上升。YouTuber Pumpkin Jenn和Tawnia今日（3日）就去到街头向市民免费派发酒精搓手液，Pumpkin Jenn称：“因为全球都好受影响，如果自己有能力就要帮少少手。咁啱公司就攞到一批货，就想攞出嚟派畀大家。”Tawnia更讲道：“今次会派1200支，其实我哋之前都有去一啲慈善机构到派，同埋而家唔系个个人都可以home office，派酒精搓手液畀佢哋，好似可以尽少少绵力。”

问到自家护肤品牌生意有否受影响，Pumpkin Jenn表示：“好彩我哋都有网上卖嘢，但都有少少影响。各行各业都有受影响，希望（疫情）快啲过。其实本身王丽嘉Irisa（都会嚟），但妈咪始终会比较紧张，所以佢哋都唔出得街。我好耐冇见佢啦，我都好耐冇约人出嚟玩。（会唔会失望？）都明嘅，帮到咪帮，唔出嚟都冇压力。”