张松枝10岁儿子被狗咬伤 反遭长洲居民冷嘲：入得嚟玩就预咗！
近日香港因《逃犯（修订）条例》引起连串警民冲突，民怨日渐加深，造成社会撕裂，亦令有很多市民开始对警方执法失去信心，曾效力TVB和HKTV的艺人张松枝不时在社交网站发文关心社会运动，更用行动支持青年抗争，奉劝警方要听听青少年的倾诉，是少数能够勇敢表明立场的本地艺人。昨日（21日）张松枝又再于Instagram发帖，直言：“呢个咩世界？”不过今次并非针对警方，而是渔农自然护理署。
IG发帖控诉：你要乜嘢证据呀？
张松枝在Instagram张贴一张渔农自然护理署对于一宗动物袭击事件的回信，得知检控因“证据不足”而起诉失败后，深感震惊和愤怒：“我真心对香港执法部门好失望，你同我讲证据不足，依家狗咬人呀！你要乜嘢证据呀？一个小朋友比（被）只大狼狗咬，依家个牙印重（仲）起（喺）到，呢啲系咪证据呀？明明系个狗主放狗咬人，你哋都执法，呢个咩世界？”
不满狗主当没事发生 张松枝：一句道歉都冇！
《香港01》记者今日（21日）下午向张松枝了解事件，他解释咬伤事件于今年2月过年期间发生：“我当时不在港，只有我太太带住仔仔和一对母子朋友去长洲玩，入夜后，两位小朋友在码头前空地坐在泊在路边的单车上谈话，这时有个女人带着一只狼狗行过，突然间只狗冲向我个仔（这时狗带已经放开），并一口咬住我个仔的手踭位置，跟着大人就将佢哋分开，咁嘅情况小朋友当然好惊同流好多血，最不忿就系个狗主好似当冇事发生，连一句道歉都冇，所以就马上报警。”
意外发生后5个月才收到回复 指没有足够证据起诉
除了狗主的态度，以及未有为咬伤人而道歉外，最令他不忿的是竟然有人说被咬伤是活该的：“警察未到前还有一些村民走过来说：‘入得长洲玩，就预咗被狗咬’这些冷言冷语！”他称警察到达后，带了小朋友去验伤，亦有为狗主落口供，但事隔五个月，却收到渔农署一个不知所谓的答复：“畀咗个咁嘅信我想了咗件事，我十分气忿，狗咬人要什么证据？我个仔连望都冇望过只狗，就被你咬，狗主真系可以冇责任？只狗咁大只，狗主系有好大责任睇住只狗㗎！”
张松枝难忍官僚文化：净系识坐喺冷气房度谂嘢！
另外，他亦非常质疑渔农署的办事能力，根本没有好好调查事件就草草了事：“现在信上面写‘我哋考虑到，证据不足’，我仆X你个X，点解唔系用‘调查’或‘侦查’，而系用‘考虑’？咁即系你哋冇做嘢啦！净系识坐喺冷气房度谂啦！咁样系咪执法呀，究竟佢哋识唔识执法㗎？所以我对执法部门冇信心！”
点击观看更多图片：