【法证先锋IV】陈炜街市买𩠌档主畀折扣求剧透：大家交换情报咁

陈炜今日（17/3）连同一众《法证先锋IV》演员现身香港仔华富邨送赠抗疫物资予“香港肝脏移植协康会”。提到在疫情影响底下，如何防疫？炜哥坦言：“我会用避嘅方法，去避免出街到人多嘅地方，咁所以宜家都好少出街，而且都会尽量唔好喺出面食嘢，咁所以都会买𩠌返屋企自己煮饭食。”

炜哥又指街市虽然多人，但如果要买𩠌都会选择人流较少的时间去：“其实买𩠌有一样嘢系好开心，就系可以同啲街坊档主互动倾偈，佢哋会捉住我问我《法证》嘅剧情，啲档主佢哋好热情，我买𩠌佢哋又会计平我，食材唔新鲜唔靓嘅都唔会畀我，大家就好似交换情报咁。”被问到煮艺男友有否畀负评？炜哥笑言：“佢够胆话麻麻地咩⋯佢实话好啦，咁我事实真系煮得好好，哈哈！”