【BB大晒】与马国明拍摄大打出手　吴岱融：佢拳头咁大怕咗佢

吴岱融（鹫哥）今晚（14/3）以表演嘉宾身份出席在电视城举行的《星光熠熠耀保良》，为慈善献唱剧集《牛下女高音》插曲《你比我重要》。鹫哥坦言：“呢首歌系我一生人喺TVB唱嘅第一首歌，所以喺未埋位嘅时候，我都要不停练唱，因为想开返把声，不过讲真都有少少紧张，应该一阵上台唱嘅时候都唔会有问题嘅。”

提到日前为新剧《BB大晒》拍摄与马国明大打出手，鹫哥直言怕受伤：“喺剧里面佢做我亲生仔，因为我冇做老豆嘅责任，所以佢打我，相信大家都知马明佢牛高马大，𠮶日拍打戏我真系怕咗佢，因为佢拳头咁够大，如被佢打中一嘢我就真系好惨，不过好彩佢都好有经验话晒都系视帝。”