【二月廿九】刘俊谦想穿越回到90年代：当时香港好多嘢都好简单

今日正值是四年一度的2月29日，ViuTV全新爱情穿越剧集《二月廿九》亦选择在这天举行宣传活动，可说别具意义。剧集今次特意到北海道取景，刘俊谦犹记得拍摄其中一天的气温低至零下十七度：“其实我着住嘅Costume大褛都好薄，但𠮶日要瞓雪地，我怀疑导演同Crew全部都觉得我做戏做得好好，但其实我只系冻到打冷震！”

刘俊谦谈到在雪中拍摄的难度甚高：“身体感觉未试过，体会到原来日剧、《情书》𠮶种感觉系咁；冻到面嘅肌肉唔太郁到，有时就会食咗啲字讲唔到，我同Sofiee（吴海昕）拍咗好多个Take！”加上日本当地拍摄有限时的规则：“呢个景拍两个钟就净系得两个钟，唔可以再拍；而香港拍摄好少会咁On-time，所以就要拍得好快，都系一个挑战。”

《二月廿九》剧情以穿越为主轴，刘俊谦谈到如果有机会穿越：“我成日都想穿越返去小学嘅时候，即系90年代；当时好开心，因为香港好多嘢都好简单，未有智能手机，放学就同同学去公园捉迷藏、食雪条，我好怀念𠮶段时光。”至于会否希望改变过去的一些事，刘俊谦不假思索说：“唔会！有啲事无论好与唔好，发生咗嘅就系最好。”

刘俊谦日前凭《幻爱》在第26届香港电影评论学会大奖夺得最佳男演员，及后再下一城在第39届香港电影金像奖获得最佳新演员的提名，问到有没有信心获奖，他说：“我冇谂啊。其实一定系会想攞奖，但我将呢样嘢放得几轻，因为我比较想套电影多啲人睇。香港电影都低迷咗好耐，难得有一套好本土嘅电影出现，我会期待多啲人睇多过攞奖，攞奖都系平常心。”至于接下来的计划，他说：“舞台、电视、电影我都Welcome，只要系好嘅作品，我都系遇到个剧本好有兴趣就会拍。”