【二月廿九】北海道外景冻到对脚冇感觉　徐天佑：浪漫背后系辛苦

今日正值是四年一度的2月29日，ViuTV全新爱情穿越剧集《二月廿九》亦选择在这天举行宣传活动，可说别具意义。近来新冠肺炎（又名：武汉肺炎）疫情严峻，徐天佑都尽量避免外出：“我唔使做嘢就喺屋企，本身忙紧录音，但疫情开始之后都搁置咗。”天佑善用这段空档看书、做音乐，他觉得静下来思考也不错；至于政府日前释出的居家隔离清单，天佑亦表示查阅过：“附近有其实都会好小心，有时如果唔系做嘢连门口都唔出，都少去Club House。”在剧集宣传方面，或多或少均会受到影响：“之前有啲宣传都取消咗，唯有尽量做。”

徐天佑除了在《二月廿九》中饰演男主角马志浩（Ryan），又亲自为剧集歌曲担任曲、词、编、监：“写歌、写词畀套戏都系第一次，仲要系角色嘅角度出发，写词嘅时候觉得对角色嘅了解多咗。”提到剧集今次特意到北海道取景，天佑说：“原来睇戏里面冰天雪地好浪漫嘅情景，拍摄背后系咁辛苦。有一日我已经着咗两对袜、加暖包，但对脚都冻到赤痛，然后开始冇感觉，唯有即刻同导演讲要入返室内。”天佑分享拍摄从来都不易：“最想出嚟嘅画面系靓，就会顶埋佢、拍多个Take。”

《二月廿九》有穿越的元素，若然自己有机会穿越，天佑就希望回到小时候：“细到系小学嘅时候，爸爸妈妈会帮而家啲小朋友影好多成长嘅相，而我系冇㗎，因为屋企细个冇呢个习惯；所以有时演唱会要拎返细个嘅相，我嚟嚟去去都系得𠮶两三张，所以就想返去影多啲相。”至于会否希望改变过去的一些事，天佑就说：“发生咗嘅事如果有得改变故之然好，但唔可以咁谂，当下嘅决定唔好令自己遗憾就好。”