【武汉肺炎】薛家燕受疫情影响收入减少：而家我想做都冇得做！

由薛家燕主持的歌唱节目《流行经典50年》昨天（25日）进行录影。家燕姐以黑色低胸玫瑰印花长裙亮相，相当性感，她受访时便坦言服装是设计师特意在欧洲购买回来：“欧洲女性比较较开放啲，所以我今日都特登着得比较开放啲。不过都出咗少少问题，因为今日主题系正能量，所以我就选择现代版《皆大欢喜》的主题歌曲唱，唱到‘人面对风波心中少不免，震震震震震’，我助手就同我讲‘家燕姐，妳唔好咁大动作，妳一震就好震撼’，所以我都同导演讲一唱到震就拉阔画面。”

谈到“武汉肺炎”肆虐，家燕姐坦言她的“家燕妈妈艺术中心”受到一定的影响：“我哋学校咁多学生，由一月到依家都冇办法上堂。当然要以大家健康为重，好多学生都打嚟问我上堂得唔得。因为佢哋而家都冇得返学好闷，但系我都同佢哋家长讲我唔敢开，因为大家聚埋一齐会易受感染。”

学校停办受影响，连艺人的工作很多需要暂停或取消，她说：“我系有损失，但谂返转头以前人哋话，家燕姐做咩唔休息下，成日接工作。睇返而家系啱，因为可以积谷防饥。而家我想做都冇得做，冇人畀你做。好彩屋企仲有啲米系到食住先。”

点击睇更多现场靓相！