【法证先锋IV】儿子首次观看主演剧集 黄浩然：佢哋睇得投入
撰文： 赖家杰
出版：更新：
《法证先锋IV》播出一星期有多，首集更高达37.1收视，成绩相当好。今天（25日）主角之一黄浩然出席《法证先锋IV》宣传活动，感谢一众观众支持，他透露最开心的是两个儿子有和他一起追看这剧集，他说：“两个小朋友第一次睇我作品，其实好值得纪念。由第一集睇到第六集，两个仔都有搞笑行为出咗嚟。细仔成日都问我点解套剧咁快播完，另外我有一日瞓醒，见到大仔拎住我啲太阳眼镜戴住，再拎电筒照嚟照去扮我，几好笑。”
其实浩然儿子们早前也想睇由他主演的《多功能老婆》，但却被浩然禁止：“因为呢排肺炎关系，佢哋留喺屋企咩都做哂。佢哋有问过我好多次可唔可以睇我嘅剧，咁佢哋已经开始长大，开始明，所以先畀佢哋睇《法证》。《多功能老婆》唔畀佢哋睇系因为剧中又揽仔又揽女，真系差少少。”
不过首次让儿子观看自己的作品，浩然坦言心情是奇妙：“都几得意，见到佢哋睇得咁投入，因为佢哋系睇好多卡通同电影嘅小朋友，佢哋冇叫我转行，咁都应该ok嘅，咁我都觉得可以继续做落去。”
睇更多现场宣传靓相！
+10