【港男入赘手册】泰国浪漫邂逅选美冠军 小占：佢泳装真系好靓！
ViuTV节目《港男入赘手册》周日晚播出的一集，就轮到岑珈其和英健朗（小占）两位主持到访泰国，与观众探讨香港男人在外地聚妻、移居的可能性，而节目组今次就向小占送“大礼”，特意安排了一位泰国美女做他的一日老婆，真令人羡慕。不过故事又怎会如此简单呢...
小占与Paulina的互动就如一般新婚夫妇甜蜜，拖手仔行街、一齐买𩠌煮饭和互喂食物等，情到浓时他们还会...讲甜言蜜语。节目中，当Paulina帮“老公”小占拣衫时，小占更大胆地当着镜头，向Paulina讲爱的宣言：“I Love Paulina。”而“老婆”则甜笑着，指着小占说：“I Love You！”小占还十分自豪的说：“拖住个咁索嘅老婆，个个路人都好羡慕我！”
Paulina真系靓，点击睇IG相：
（图片经本人授权使用）
小占接受《香港01》访问时，就大赞这位“一日老婆”Paulina，甜丝丝的说：“佢好小鸟依人，又靓，仲好可爱！睇泳装嘅时候，身材真系好靓，其实真人睇仲靓过上镜。”镜头后有没有倾下计？“有问佢有冇拍拖，钟意咩类型男仔咁，佢就话冇乜所谓，只要细心、 幽默就OK啦，都系𠮶啲笼统嘢，不过佢有讲自己唔注重外表！”看来小占对“女神”的兴趣相当浓厚。
快乐的时光过得特别快，他与Paulina拍完一日拖后，岑珈其才透露Paulina其实有一个重大秘密要告诉“老公”小占。Paulina：“我是跨性别人士。”知道秘密的小占，就即时露出错愕的表情。其后他向笔者表示，事前他是完全不知情，亦不相信。他说：“当时第一个反应系怀疑整蛊，以为讲笑，跟住就系尴尬，之后就变成认真了解佢。”
小占续说：“除咗镜头前，佢话自己因为觉得自己灵魂系女性先去做手术之外，仲有问佢个喜好，变性手术点做𠮶啲，佢都答我佢今年27岁，20岁开始做手术，仲要分几次做。”问到小占是不是有触电感觉时，他就斩钉截铁的说：“冇触电。咁佢系可爱嘅，但拖手𠮶下我就有啲怀疑系男人，只手唔系女人手同埋骨架大啲。”点解没有过电呢？他就笑言：“唔系我𠮶Type，成183cm高，太高我有压力。”
爱情来得快，也去得快。故事的最后，他们还有联络吗？小占就说：“我有开口问佢交换Instagram，话晒都做咗一日夫妻，不过之后都冇Direct Message过佢。”唉，男人真是肤浅。