【港男入赘手册】港男Andy哥教大家娶日本老婆　被揭疑有约炮前科

由陈贝儿主持嘅无线节目《嫁到这世界边端》横跨半个地球，探访嫁到海外嘅港女，节目自播出以来大爱欢迎。ViuTV下月亦有同类型节目播出，不过，节目嘅探访对象系“嫁”到海外港男。
 

《港男入赘手册》首集由张健声主持，去到港人热门旅游地点－－日本，拜访成功移居日本嘅港男，学沟女之余，亦会了解当地嘅创业同置业前景。节目其中一位入赘港男Andy哥，本身有开设FB专页，内容大多数以介入大阪景点、餐厅等等，而佢位日本老婆恭子亦不时会一齐出镜，看似幸福又美满。

不过，有网友指出Andy两年多前曾以网名“结衣宝宝”喺讨论区分享自己嘅日本约炮点滴，疑似Andy透露自己以Tinder炮点，当被质疑有无咁简单时，疑似Andy话“系”，并表示“唔需要倾太”，多数都系讲两句再问下对方有无拍拖同边住就会直接约炮，有网友问到“（对象）素质如何”时，疑似Andy表示“免费无好嘢，我唔系靓仔，我亦唔会拣饮择食，ｘ得落就得”。咁Andy到底又系点识到老婆恭子呢？佢自己就曾经喺影片中透露过，喺朋友嘅卡拉ok聚会中遇上恭子，并即席表演魔术比对方睇。到底系Tinder定系唱K识?反正Andy已经成功娶得日本人妻。