【武汉肺炎】炖汤店传派10万盒口罩　杨明急澄清：有都几夸张！

武汉肺炎疫情持续扩散，本港至今累积共录得10宗确诊个案，口罩、消毒酒精等防疫用品被抢购一空。今日（30日）网上流传指，艺人杨明旗下的炖汤店免费派发10万盒口罩，只要大叫“支持警察”口号就能获得。杨明今日（30日）澄清，传言纯属恶搞。

杨明回复《香港01》时澄清并无此事：“假㗎，假㗎！我有send番出去畀佢哋（员工）讲，话可能会有啲市民会过嚟问口罩。”昨日有店舖出售口罩，不少市民大排长龙，但却有人因无法购买而鼓噪，更一度包围店家。杨明表示不担心自己被“找麻烦”：“都系网上恶搞嚟啫，我谂识睇𠮶啲都唔会信！如果我一个人有10万盒都几夸张，哈哈！”

他表示舖头都有适当的防疫措施，例如戴口罩及叫曾去过内地的员工自我隔离：“全线员工都要戴口罩，除咗佢哋放lunch食饭先除低口罩，其他工作时间都要佢哋戴番口罩嘅。我哋有两个同事都喺内地返嚟，我哋都有叫佢哋放假，费事影响到啦！佢哋都唔系有啲咩病征，只不过都系自我隔离咗14日先！”

面对口罩荒，杨明表示自己都有足够存货：“之前有买定一两盒，我买咗啲N95，我之前喺淘宝订返落嚟。开头未出事之前我已经买定，好彩𠮶时买多咗啲，都够用起码一个月先！”他认为口罩供应应该会在新年后慢慢回复正常。