【武汉肺炎】马国明爆新加坡冇乜口罩：好彩我自己带咗嚟

“武汉肺炎”疫情扩散全球，各国政府都严阵以待今次的疫情，港人外出时亦戴上口罩防止感染。新鲜出炉的视帝马国明昨日（28/1）现身机场出发到新加坡出席商演，并透露会跟郑伊健同台演出。

被问到新加坡的防疫情况，马国明回复《香港01》：“新加坡呢边几平静，出街都唔系好多人戴口罩，得部份人戴。可能天气比较热，而家都30几度，所以流感唔系好流行。当然我自己会小心，支咪都会用消毒纸巾消毒咗先。同观众握完手都会用酒精搓手液消毒返只手。新加坡相对平静，但口罩都冇乜，我唔知系咪畀人抢购晒，定口罩供应唔多。我听闻消毒产品都好难搜罗到，不过好彩我自己带咗嚟，大家都有意识，但未去到好紧张。希望大家身体健康，新肺炎尽快远离我哋。”

至于居住在太古城的妈妈有没有特别的防疫措施，马国明说：“妈咪都系正常（方法），又唔使太紧张，大家都唔好搞到太紧张，勤力啲洗手，外出戴口罩，又唔使太恐慌。太古城𠮶边都正常，大家都正常行街，部份人戴口罩，大家正常生活，唔使太恐慌，做好自己就得。”

马国明叫大家唔使太紧张，勤力啲洗手，外出戴口罩，做好自己就得。点撃下图睇多啲相：