【网红猎人】富二代Tawina做化妆KOL原来冇优势 ：畀人闹系猪扒

“你嫁个有钱佬好过啦！”这句说话对于自小家境富裕的Tawnia来讲一点也不陌生，更是从小听到大。在外人眼中，身为“富二代”的Tawnia就像温室中的花朵，在保护下成长，但她就决定靠自己走上另一条路。一次机缘巧合认识美妆YouTuber Pumpkin Jenn后，两人一拍即合，更合伙投资过百万成立自家护肤品牌“WOKE UP LIKE THIS”！

反感被劝嫁入豪门：唔钟意活在人哋控制底下

在香港长大的Tawnia，今年只有23岁。虽然自小衣食无忧，但她在澳大利亚读书期间已经做过不少实习工作，希望可以吸取更多经验，更坚持一个理念，就是靠自己：“因为我自己细个嘅时候，成日都有啲Auntie走过嚟话‘你嫁个有钱佬好过啦’，我会唔开心，我点解要咁样，我点解唔可以自己去做一啲我自己钟意嘅嘢，我自己畀饭我自己食，我自己想买咩都系由我决定，我唔钟意活在人哋控制底下。所以我对呢样嘢好反感，宁愿做啲我钟意做嘅嘢，我去努力争取。”

与Jenn一拍即合　叹做KOL不易

就在实习期间，Tawnia在一次品牌活动上认识当时已经甚有知名度的美妆YouTuber Jenn，两人一拍即合，更合伙投资搞生意。不过相比起在IG坐拥超过21万粉丝的Jenn，Tawnia的IG Followers只有1万多人：“其实我自己又未觉得自己系KOL，因为我得万几个Followers。可能人哋眼见KOL系一件好容易嘅事，好容易揾到快钱，但其实佢（Jenn）都为佢自己嘅工作付出咗好多时间，好多心机。有时同佢去去下旅行，佢夜晚两点几三点都仲剪紧片。同埋有时佢又会做下啲产品资料搜集，呢啲系观众睇唔到嘅嘢。我觉得需要好多时间，自律都好紧要。”

乐观面对被网民闹猪扒：我觉得好笑啰

虽然Tawnia说不当自己是KOL，但随着她与Jenn合伙搞生意，她的曝光率也增加，不过同时也令她卷入是非当中。毕竟在一般人眼中，Tawnia不像大家所见到的KOL那样，样靓、身材好、打扮潮流，她亦因此频频被网民狙击，恶言相向：“都会有人话我系猪扒，我觉得好笑啰。我又唔会话好唔开心，我就拍返个搞笑嘅Stories话‘我系猪扒’回应返佢哋，或者叫佢哋唔好唔开心。”

感激男友支持　接受求婚踏入人生新阶段

Tawnia不但要冒着生意可能随时蚀本，还要饱受网民批评，但幸好无论是家人还是男友都非常支持她：“佢（男友）大我几年，出咗嚟做嘢都一阵。因为佢自己都做家族生意，所以我日常遇到好多问题佢都会教我呀。譬如从EQ方面，佢都教咗我处理同啲同事嘅关系，或者譬如会计𠮶啲，呢啲佢都会教我，我都好感恩有佢。”而就在去年年底，Tawnia获男友惊喜求婚，准备踏入人生新阶段！