【专访】姜皓文首拍TVB剧即入围　信心爆棚称发梦都想攞视帝

“有信心到我连发梦都觉得攞咗（视帝），有一次真系，咦！真系畀我㗎？你真系畀我，我要㗎！同埋有一次发梦系开《铁探》续集，同监制苏万聪开紧会。”亚视出身的姜皓文（黑仔）今年首次参演TVB警匪悬疑剧《铁探》，就凭饰演卧底Bingo一角再度人气急升，更于《万千星辉颁奖典礼2019》叫双飞，入围角逐视帝以及“最受欢迎电视男角色”。
Credit :
发型： Jove Shek@ muse hair
化妆： Herrylaiming Make-Up

认同电视剧入屋威力　正洽谈TVB新剧

黑仔自2009年离开亚视后专注于电影发展，凭出色的演技成为港产片的中流砥柱。难得重回公仔箱，黑仔直认重新体验到电视剧的威力：“电视剧真系入屋好多，日日喺屋企煲住，就算你唔望住部电视机，炒紧𩠌都听到Bingo同垶Sir（袁伟豪饰）厮杀紧，真系好入屋。同埋你有电视剧𠮶一期，个期人气真系急升好多。（垶Sir会唔会系你最大对手？）每一个有份提名嘅都系我个对手，每一个可以俾观众投咗出嚟或者俾评审攞咗出嚟，呢20位嘅候选人都有资格攞呢个视帝。”黑仔又透露将会与TVB继续合作，目前正洽谈两部新剧。

观众期待有Bingo前传　黑仔爆料：原本Bingo唔使死

《铁探》收视口碑相当强劲，全剧平均收视29点，成为本年度最高收视的剧集。不少网民更期待有Bingo前传或电影版出现，但黑仔却透露原本不是接演Bingo一角：“我哋拍拍吓先设计佢死，本来个角色系唔使死。同埋好峰回路转，我之前接个角色唔系Bingo，之后大家坐埋再倾，倾倾吓先有个Bingo出嚟，本身我唔系做呢个角色。倾嘅时候都冇设计过佢会死，之后个故事行到想畀观众一个冲击，先不如死喇，效果都几好。（TVB畀咗好大空间你发挥？）其实同亚视都差唔多，个模式几乎都一样，都系咁辛苦，但今次TVB畀我发挥程度的确大好多。”

点撃下图重温Bingo一角！

视《金宵大厦》成最大对手　黑仔：好睇到不得了！

最意想不到，大忙人黑仔竟然亦有追早前播出的《金宵大厦》：“《金宵大厦》虽然好多人觉得佢系细剧，但我钟意。而且李施嬅不得了，好睇到不得了，佢同山聪真系……个剧本真系直情系写畀李施嬅咁，好好睇。猫妖出现𠮶几集，𡃁妹（李绮雯）都做得好，Gloria（邓佩仪）变咗只公仔都做得好。（真系集集都有追？）唔系，我见到边几集好，我会睇落去。所以，山聪同施嬅今年都有机会。”至于被问到会否视《金宵大厦》成今年最大对手，黑仔称：“每一部有份入围都系对手，真系都唔会点输，好多剧都好有水准。当然系唔会独大，有啲咁有份量嘅剧同你一齐竞争你会好开心，边个赢都好。（你介唔介意接小品剧？）我自己好钟意小品剧，钟意小品、小人物、小角色……我都好钟意，嚟紧好似有。”

惠英红感叹为TVB拍剧冇成就　黑仔坦言：而家我都系

惠英红早前接受媒体访问时，感叹自己于无线多年但毫无成就，比较伤自尊，黑仔坦言明白红姐的感受：“到而家我都系，觉得好多嘢发生咗，但都仲未有一个好实质嘅嘢。同埋我系明白嘅，我知道系唔会有（成就）。即系每一样嘢会有更好嘅出现，你不会停留喺度，哇！我成就喇，搞掂喇，上岸喇，我觉得系冇㗎。每次比一次更精彩，即系你想再有多啲，唔会有咗个成就喺度就句号。”

望电视业不分帮派　认实践不易：香港会有呢日出现

另外，对于林文龙出任亚视副总裁一职，明言娱乐圈应该团结以及百花齐放，所以绝对会帮TVB宣传自己有份演出的剧集，黑仔对此亦表示认同：“我觉得边间电视台、边间公司、边个媒体揾我，我都有兴趣做，只要个剧本啱我，我就会向𠮶度出发，我唔会考虑系咩媒体。（想电视业更加兴旺？）电视业兴旺最好喇，大家唔好分边门边派，我觉得净系香港系咁，你睇好多地方都百花齐放，大家咩地方都去得，咁先会畀观众多啲选择，观众最开心睇到就系唔分你我，唔分帮派。（呢件事难唔难？）难，暂时系会难。因为佢哋可能接受唔到，但我有信心香港会有呢日出现。”