【铁探】姜皓文演卧底获激赞　Bingo角色高难度：都几精神分裂

由惠英红、姜皓文和袁伟豪主演的TVB重头戏《铁探》播出后，大获好评，更再次引发观众追剧热潮。日前剧集播出的尾段，患有脑退化症的娴姐（卢宛茵饰）被Madam Man（惠英红饰）安排到监狱探望儿子Bingo（姜皓文饰），二人母子情让观众痛入心扉，相当催泪！

首拍TVB剧集的黑仔向来以实力见称，今次饰演警队卧底之余更有不少感情和内心戏，难怪黑仔接受《香港01》访问亦称角色难度大：“今次角色亦正亦邪，都几精神分裂！一个警察出咗嚟冇几耐就俾人捉咗去做卧底，都系一个几悲惨嘅角色。（有冇难度？）有，但呢个难度系好享受，因为我觉得Bingo呢个角色系入面丰富过晒佢哋所有嘅角色，点解咁讲呢，因为Bingo可以做晒佢哋一个角色嘅元素嘅嘢，又系古惑仔又有正义感……真系几钟意Bingo呢个角色，系难但好享受。”

点撃下图重温精彩画面！

对于自己在剧中与卢宛茵相认一幕，感动万千观众，他称：“同Madam Lo真系过足戏瘾，因为Madam Lo真系畀到一种好慈祥妈咪嘅感觉我，因为佢有脑退化症，但成日唔记得个仔，所以做佢个仔都几酸。而呢个仔都每一次都好想妈妈记得佢，因为佢都好钖有脑退化症嘅阿妈，𠮶个感觉真系好酸，Madam Lo系畀到呢个推动力我，埸戏做得咁好，全靠Madam Lo接到个波接得咁靓，弹返转头又咁丰富，同佢做呢场母子戏真系好正！呢场戏都好难忘，而最后Madam Man想灭咗我，最后忍唔住想反佢𠮶场戏都好深刻！”

他又透露与红姐有不少感情戏：“我哋系上司同下属嘅感情，上司同下属都有好深厚嘅感情，等于师傅同徒弟咁，但呢个Madam Man就为咗想要得到自己嘅嘢，真系连自己嘅卧底都……真系几过份，可以跣佢一获金甚至灭咗佢，呢一种嘅感情都系第一次做，都几过瘾！”据知Bingo虽然中途变节，但一直没有忘记自己作为警察的初心，但由于他掌握了Madam Man不少失职证据，最后不幸死在Madam Man手上，所以到Bingo死的一天，也没有穿过警队制服。

对于不少网民称黑仔塑造的Bingo比《潜行狙击》谢天华演的Laughing一角更深刻、更立体，他就谦虚表示：“其实每一个演员嘅角色都有佢哋唔同嘅演法，亦有唔同观众嘅喜好同口味，所以又唔可以话超唔超越人哋嘅。两个角色成份好相似，但系都各有千秋，带畀观众唔同嘅感受，Bingo还Bingo，Laughing还Laughing，两样嘢嚟，但两个卧底角色都咁正，我两个都咁钟意。”至于会否再接拍TVB剧：“有呢个可能，都系睇剧本，我唔会放过每一个精彩每一个精彩的演出机会，所以呢个机会绝对有。（有没有信心问鼎视帝？）到时先谂啦，系有咁嘅想法，哈哈。”