【全民来电】无惧师弟超越　ERROR：威胁MIRROR都威胁唔到我哋

ViuTV的电竞综艺节目《全民来电》将由ERROR与《全民造星II》的冠军Phoebus（吴启洋）、季军Oscar（李祉均）、George（欧镇灏）、JJ（范卓言）之间对垒，谈到彼此的电竞实力，肥仔说：“最劲𠮶个都系193，佢由零开始到而家我哋已经追唔上！”他们又说滑鼠与键盘对193而言都不是工具，193说：“我主力就系送头冲过去，佢哋成日叫我匿埋，我觉得唔好玩！我哋拣咗个队友系女仔，佢去边我都一直跟住佢，佢入草丛我就入草丛匿埋，好似拍拖咁！”

总理上镜超级Nice　肥仔：可能友台令佢哋好紧张！

ERROR博爱医院的总理一同拍摄节目，成员们异口同声说总理们都很放松，保锜说：“冇我哋睇友台节目嘅时候咁严肃，班总理全部都讲得笑、好玩得、好潮！”193同意道：“超乎我哋预期，同佢哋几倾得埋。”肥仔说：“可能友台令佢哋好紧张！”令保锜与193立即与他撇清关系！阿Dee圆场说：“我哋玩得咁癫本身都惊拖累班总理，原来佢哋都Give & Take到，又冇嫌弃我哋。”193以官腔宣传说：“呢个系非一般嘅慈善节目，我哋令节目有ERROR特色，所以同友台有分别。”阿Dee谈到是次有别于观众看的一贯的慈善节目：“系个好新嘅革命同突破，突破到担心过唔过到公司电检。”

193跟总理交换戒指

ERROR又分享了拍摄期间跟主席们交换戒指的趣事，193说：“肥仔𠮶日唔喺到，蚀咗！”事缘193见别人踢足球也会交换球衣，他跟总理玩完游戏就要交换戒指：“我全程都望住主席啲好闪嘅戒指，就提出交换，其他成员就顺势（与其他总理）交换手链、颈链！”阿Dee笑说：“做一个节目可以唞两年！”保锜相信那条链的价格可以买楼！他们在镜头后将珠宝交还原来有心计，在本月18日直播那天再度交换，阿Dee说：“我会带多啲货！上次太少喇！”193说：“我只戒指成千蚊，同佢换好蚀㗎！下次戴够10只嚟交换！”

是次与《全民造星II》的师弟们合作拍节目，ERROR一点也不感到地位受动摇，193自信地说：“威胁MIRROR都威胁唔到我哋！”阿Dee说：“我哋之间唔可以用利益去衡量，我觉得系情义，我哋对佢哋嘅爱，唔系个个老屎忽俾得出！”肥仔说：“佢哋太想加入我哋，但我哋就将佢哋拒诸门外！”（ERROR不接受新成员？）阿Dee回应道：“我哋系开放嘅，够姜咪入嚟！”（要经过什么考验？）193说：“主要都系摧残同人身攻击！”