王君馨自爆跟王梓轩险拍拖　赵希洛拉红线惜工作错失姻缘

王君馨（Grace）受王梓轩邀请，今天（27日）出席《兄弟帮》录影。Grace笑言今天任务负责大爆黑历史，呼吁观众要留意这一集。她大爆原来曾经有机会跟梓轩发展成情侣：“我同佢好搞笑，同佢有段姻缘定渊源。我未识佢之前我有个好姊妹想介绍我畀佢识，呢个姊妹叫赵希洛。当时啱啱选完香港小姐，佢同我讲有个靓仔又有才华又系外国返嚟。当时睇完相我觉得几唔错，但因为工作关系又夹唔到时间冇咗呢个缘份。到再见到佢就系佢经理人生日，我哋就系咁开始咗我哋嘅友谊。”

虽然做不成情侣，但二人却变成好兄弟，因此对梓轩这次开演唱会一定要尽力帮他宣传。她说：“佢系我呢行真系我数一数二嘅好兄弟，我哋乜都可以倾，倾下音乐又一齐上演技班。好记得有一堂上演技班我上完大喊，佢就带咗我去后楼梯，借膊头畀我喊。所以佢今时今日拥有嘅音乐同电视剧，我都好欣慰。”

看见梓轩举办演唱会，其实Grace是相当羡慕，她透露能自己开一个小型演唱会其实也是她梦想之一：“我真系好享受喺舞台，可以喺舞台上同好多人合作，可以讲好多故事畀人知，我系好期待有一日能够举办。其实我自己一直有写歌，都有去学制作跳舞歌，但就冇公开，可能觉得唔够好。始终我唔系歌手，我冇时间限制。”