魔术师甄泽权成香港十大杰青　骚钱不增反减：因为多咗慈善工作

香港魔术师甄泽权（Louis Yan）荣获成为2019年香港十大杰青，得知这个消息后，他更在海港城高级餐厅设宴7席与一班好友共聚。他接受《香港01》访问时，对获奖就表示非常荣幸：“10月知道自己获奖，12月仪式就会举行，希望到时会如期进行。”

说起获奖的原因，他透露：“其实系一位女慈善家提名我嘅，本身佢都揾过我做好多年慈善工作，今年佢就话我知可以试下提名我。我细细个就听过呢个奖，真系冇谂自己可以成为第一个魔术师身份攞到。”他又提起一件为他留下深刻印象的事：“我仲记得，最后一个面试嘅时候，评审佢哋仲要求咗我示范一个魔术，喺冇准备嘅情况我都成功咗。”

成为香港十大杰青之后，骚钱会否加价？他笑说：“反而系低咗！因为多咗慈善嘅工作揾我，因为大多数都系冇钱或者畀返车马费。商场骚嘅话，其实呢几月生意都系差咗啲，不过唔紧要，睇魔术最紧要大家开心，你请我我都尽量会去。”