魔术师甄泽权举行婚宴　爆当初追老婆冇靠过Magic

知名魔术师甄泽权（Louis）今日（9日）与识于微时的太太李绮嘉（Elffi）举行婚宴，筵开廿围。Elffi表示对亲友的到来甚是感恩和感动：“舅父特登喺加拿大返嚟，好Suprised，开门𠮶下先知。”Louis说：“我就主要系外父将Elffi带出嚟嘅时候同我讲话：我将个女交畀你，你好好对佢喇。变咗好似突然个责任好重大，觉得要对佢好啲。”

二人在大学时期认识，问到Louis如何追到靓老婆：“同魔术冇咩大关系嘅，𠮶阵啱啱学魔术，应该系诚意打动咗佢。”Elffi则喜欢二人一起努力、打拼的过程。说到婚宴的主题，Louis想打造成一个Show：“帖都好似一张飞咁、布置又好似一个表演。可能大家好期待今晚系咪有Show睇，就唔知呢！到时先知。”实行大卖关子。Elffi则说要节制老公喝酒：“（老公）唔系好饮得，所以请咗啲饮得嘅朋友嚟。”Louis说要将这个任务交给Bob。

二人早前到拉斯维加斯、洛杉矶、日本及香港等地拍摄婚纱照，二人都说美国站是最难忘的：“有好多虾碌嘢，化妆师又唔啱、又好大风、落雨又影唔到相。”Louis续言：“好难啊，影咗几个钟先得几张系ok，个天气太难捉摸。”