韦家雄为拍《木棘证人》连踩60个钟Roll机都瞓着：我冇得选择！

韦家雄多年来一直默默耕耘，虽然大多数只是演“绿叶”，但凭住精湛的演技，获得不少观众赞赏！日前，他受邀到商台节目《1圈圈》接受阮兆祥和乐乐的访问，期间大爆入行30年的辛酸史！

现年54岁的韦家雄不经不觉已经入行30年，演过逾百套剧集。被祥仔问到新婚生活时，他就直言：“我已经忙到冇时间留意佢，啱啱拍完𠮶部剧我又再重现返60个钟头冇得瞓，瞓4个钟头再60个钟头冇得瞓。（边部呀？）《木棘证人》。（你年纪同我差唔多咋㖞，做咩事咁博？）我冇得唔博，我冇得选择。我都问点解你要我咁博，系咪想我第一个俾Rundown杀死？（证明你戏份重？）都唔系，有时唔重都好长㗎啲时间，公司𠮶啲通告一杀埋嚟就避都冇得避。”

韦家雄更直言拍剧就有心理准备挨夜，但甚少如此夸张：“平时最多咪一、两日，但成个礼拜都连续系咁。我都好耐未试过，Roll紧机都瞓着觉。（咁大件事？）其实演员喺度做紧，我就……（瞓着）。你得两句，要等前面讲晒，到你讲你已经瞓着咗，仲要系（拍）同马海伦捉棋。”

点撃下图睇更多新剧花絮！

至于被问到有没有受过冷言冷语，韦家雄直认：“呢个圈咩人都有，必定有经历过。有啲你同佢打招呼，佢唔应你。初期都会唔开心。（可能冇验眼。）系啰，有啲人可能有眼疾。我经历过喺䢂入面同人讲早晨，佢冇反应，感觉上系你叫我做咩呀？𠮶个监制嚟。（咁咪好尴尬？）好尴尬呀，佢仲同隔篱𠮶个打招呼。”韦家雄更表示会继续做落去和享受每部作品的制作过程。